Labis ang saya at pasasalamat ni Sylvia Sanchez sa kanyang anak na si Arjo Atayde na sa wakas ay naipakilala na ng aktor ang fiancée na si Maine Mendoza sa kanyang Lola Rose.
Sa Instagram nitong Linggo, November 30, 2022, ibinahagi ni Sylvia ang masayang pagkikita para sa “special dinner” ng kanyang ina, kapatid, at ng kanyang soon-to-be manugang na si Maine.
Mababasa sa caption ni Sylvia (published as is), “Maraming salamat mga anak Arjo at Maine kahit napakabusy niyo parehong dalawa. Naglaan kayo pareho ng oras para ipakilala mo Arjo si Maine kay Tita Janice, Tito Kenneth at kay Lola Rose mo.
“Napakasaya ng puso ko [heart emoji] Salamat mga anak. Truly appreciated!!!”
Dagdagpa niya, “Love u both.”
Agad naman itong nireplayan ng Eat Bulaga! host ng emoji na tatlong pulang puso.
MAINE AND ARJO'S RELATIONSHIP
Unang nagkatrabaho sina Maine at Arjo sa Metro Manila Film Festival 2018 entry na Jack Em Popoy: The Puliscredibles.
Gumanap na isa sa mga bidang pulis si Maine, habang kontrabida naman ang papel ni Arjo na bahagi ng isang sindikato sa kuwento.
Dito rin simulang mapansin ng kanilang mga fans ang special closeness nila.
Noong August 2018, namataan si Arjo na sumuporta sa isang event para sa brand na ineendorso ni Maine.
Hanggang sa noong October 2018, lumabas ang PEP Scoop kung saan naispatan na magka-date sina Maine at Arjo sa isang restaurant sa Makati.
Read: Kapuso star Maine Mendoza, Kapamilya actor Arjo Atayde spotted at Makati resto
Naging opisyal silang magkasintahan noong December 21, 2018.
July 29, 2022, sinorpresa ni Maine ang kanyang Instagram followers sa anunsiyo na engaged na sila ng nobyong si Arjo, matapos ang tatlong taon at pitong buwan nilang magkasintahan.
Read: Maine Mendoza and Arjo Atayde are engaged
Nito lamang November 5, 2022, ay magkasama silang lumipad patungong Paris, France para ipagdiwang ang ika-32 kaarawan ni Arjo.
Read: Arjo Atayde celebrates his birthday with fiancée Maine Mendoza in Paris