Kinontra ng Parokya ni Edgar frontman na si Chito Miranda ang mga usap-usapang patay na ang Original Pilipino Music (OPM).
Sa kanyang Twitter ngayong araw, December 3, 2022, ibinahagi ni Chito ang listahan ng Chart Data PH tungkol sa Top 5 most streamed songs sa Spotify.
Mababasa rito: “For the first time, the top five most streamed songs in the Philippines are all from OPM artists: #1 Ikaw Lang @nobitamusicph, #2 Pagsamo @ArthurMNeryy, #3 Paraluman @Adadieee, #4 Pano @zacktabudlo, #5 Isa lang @ArthurMNeryy #SpotifyWrapped”
Sabi ni Chito sa caption: “Sino po ba yung mga nagsasabi na OPM is dead? Kitang-kita at damang-dama ang pagsuporta ng mga Pinoy sa mga Pinoy artists”
Ibinahagi din niya mula sa kaparehong account ang tungkol naman sa most streamed OPM groups of 2022 at most streamed OPM artists of 2022 kung saan parehong kabilang ang kanyang banda sa Top 10.
Aniya, “Not bad for a bunch of old guys from the 90s No.4 OPM groups No.9 OPM overall
“Maraming salamat sa lahat ng patuloy na tumatangkilik sa Parokya ni Edgar #spotifyphilippines #spotifywrapped2022”