Sigurado si Dominic Roque sa pagmamahal niya para sa kasintahang si Bea Alonzo.
Sa panayam ng Philippine Entertainment Portal (PEP.ph), ibinahagi niya na isa sa paraan para manatiling matatag ang relasyon nila ni Bea ay huwag makinig sa sinasabi ng ibang tao.
Hindi raw para magpaapekto siya kung mayroon mang kumukuwestiyon sa intensiyon niya sa aktres.
"Ako kasi, huwag ka dapat mag-isip masyado. Lalo na sa akin, sa position ko, marami't marami ang magsasabi ng kung anu-ano sa paligid," diretsahang sabi ni Dominic.
"Marami ang magsasabi ng mga opinyon nila, pero ako kasi, hindi ko iniisip, e. As long as wala akong ginagawang masama sa sarili ko, sa kapwa ko, or kay Bei [Bea], I'm okay.
"Wala akong pakialam kung ano ang ibato nila sa akin.
"As long as na okay ako sa kanya, okay kami sa isa't isa, wala akong dapat ikahiya, ikabahala, or ma-imtimidate sa sinasabi nila."
Nagpapasalamat naman si Dominic sa mga tagahanga na sumusuporta sa relasyon nila ni Bea.
"Siyempre sobrang masaya ako na maganda yung pagtanggap ng tao sa amin, walang negative na reactions.
"Siguro yun yung nangyari kasi ang tagal na na-hold na di kami umamin together.
"May time talaga for everything, I think. Nung nag-public kami, naging maganda ang pagtanggap ng tao."
Nakapanayam ng PEP.ph si Dominic sa Esquire Man At His Best awarding ceremony, na ginanap sa Shooting Studio Gallery sa Makati City.
- Dominic Roque on girlfriend Bea Alonzo: "I can see our future together."
- Have Dominic Roque and Bea Alonzo talked about getting married?
FROM FRIENDS TO LOVERS
Unexpected para kay Dominic ang love story nila ni Bea.
Binalikan niya na hindi siya makapaniwala noong maging magkasintahan sila ni Bea.
Sa tagal nilang magkaibigan, naisip daw kasi niya noon na imposibleng maging sila.
Read: Bea Alonzo-Dominic Roque love story: From friends to lovers
Kuwento ni Dominic sa PEP.ph: "Kasi kami, matagal na kaming magkaibigan ni Bei, way back 2016. So, sa amin parehas, we didn't expect na we're gonna be together.
"We started from being friends, walang malisya. Bea knows about my ex, so alam niya yun, I had a six-in-a-half-year relationship with that person.
"Bea knows all of those things. Ex niya, yeah, nakuwento naman niya at nakita ko naman din. Hindi naman napag-usapan yun.
"Si Bei kasi kilala ang ex ko so alam niya. Siya, hindi ko inalam ang ex-boyfriend niya that time.
"So, nung nag-Japan kami [nung October 2019], friends lang talaga kami, hindi namin inisip na magiging kami."
Pero hindi rin itinanggi ni Dominic na crush niya noon pa man si Bea.
Paliwanag niya: "Crush ko talaga siya. Pero I'm a type of guy na crush ko siya...
"Nung una kasi nagkakilala kami, si Vice [Ganda] ang nag-introduce, so sinabi agad ni Vice na, 'Crush na crush ka niya!'
"From there, alam ko ang posisyon ko, di ako nag-expect kasi she's Bea Alonzo."
Ibang-iba pa raw talaga ang sitwasyon noon.
"I didn't expect at that time 2016, totoy-totoy rin naman ako, di ko in-expect na magugustuhan din naman niya ako that time.
"Alam ko sa sarili ko na friends lang talaga kami, at alam niya na may girlfriend ako that time," dagdag ni Dominic.
Pero simula noong October 2019, unti-unting nagbukas ang pagkakataon na magkakilanlan sina Bea at Dominic nang higit sa pagkakaibigan.
Bukod sa nagkasama silang magbakasyon sa Japan, napadalas ang pagkikita nila kasama ng ilang mga kaibigan.
Nagsilbing tulay nila ang aktor na si Ian Veneracion. Si Ian ay nakapareha ni Bea sa defunct Kapamilya prime-time series na A Love To Last (January-September 2017).
Patuloy ni Dominic: "2019 lang talaga, walang hint. Wala rin akong alam. Si Kuya Ian Veneracion lang talaga yung tulay.
"Parang naramdaman na lang namin together, naramdaman ko, naramdaman niya [Bea] na, 'Puwede ito, a.'
"And that was 2019, and hindi ko rin naman naramdaman [before then] na may chance."
January 28, 2021 nang opisyal na maging magkasintahan sina Bea at Dominic. Isinapubliko nila ito matapos ang U.S. trip nila noong June 2022.
on managing HIS OWN BUSINESS
Pagdating sa trabaho, prayoridad pa rin ni Dominic ang sariling negosyo kaysa pag-aartista.
Bumuo siya ng sariling content creation company, ang Black Peak Hypermedia.
Paliwanag niya: "Siguro more on social media ako sa ngayon kasi I think mas yun ang kaya kong gawin for now and mas handle ko yung time ko.
"Now, I'm focusing on my start-up company, yung Black Peak Hypermedia. It's a social media management and digital marketing company. Content creations also like PLDT, Maynilad.
"Hindi ko naman tinatalikuran yung showbiz, I think nag-focus lang ako dun sa company kasi bago siya and I see this [na] mas long-term.
"I'm getting old lalo, 32 na rin ako, I'm looking for something na mas kaya kong i-handle and nakikitaan ko ng magandang future."
Kung may proyekto bang itatambal siya kay Bea, payag siya?
Sagot ni Dominic, "Being paired with Bea, why not? Yes.
"Ang akin lang, yun, kailangan kong mag-focus sa Black Peak Hypermedia kasi nga I can't do both, kasi nga baka maging chopseuy yung company.
"Kailangan talagang tutukan kasi ako yung nagha-handle sa accounts, ako ang nagha-handle sa mga clients na puwedeng pumasok."
ESQUIRE MAN AT HIS BEST
Ipinagkaloob kay Dominic ng Esquire Philippines at ng Axe ang Daredevil Award sa nakaraang Man At His Best awards night. Masaya ang aktor sa parangal na pinagkaloob sa kanya.
"Siyempre thankful to be part of this. I think they are giving me this award for being daredevil.
"Because siguro sa mga sports ko and the things that I do are adventerous. And adrenaline junkee kasi talaga ako. I am very thankful and grateful," pagtatapos ni Dominic.