Masaya si Mylene Dizon para sa ex-boyfriend na si Paolo Paraiso na malapit nang ikasal.
Inanunsiyo ni Paolo ang engagement nila ng nobyang si Jessica Sto. Domingo via Instagram noong December 8, 2022.
Si Paolo ay ama ng dalawang anak ni Mylene na sina Thomas at Lucas.
Sabi ni Mylene nang tanungin sa new relationship status ni Paolo, "Oo, nalaman ko actually after noon habang nagpapa-makeup ako. 'Oh!' Nagulat naman ako.
"Good naman. Good naman for him. I congratulated him.
"Jessica is an amazing woman. Ang bait-bait noon. Ang bait-bait noon sa mga anak ko."
Payag si Mylene sakaling imbitahan siya at longtime partner niyang si Jason Webb sa kasal nina Paolo at Jessica.
Tili ni Mylene, "Of course! Yun naman yung tatay ng mga anak ko. Kahit paano may pinagsamahan pa rin naman kami ni Paolo.
"And, alam mo, si Pao, we've remained friends. Minsan nagte-text-an kami niyan, e. Lagi kaming nag-a-ano niyan, 'Uy,' ganyan.
"Walang isyu sa mga partner namin. Ay, hindi talaga. Wala dapat ganoong isyu kasi we're just friends."
Ipinaliwanag din ni Mylene kung ano ang sikreto bakit di sila nagka-problema ni Paolo pagdating sa co-parenting nila sa dalawang anak.
"Honesty," sabi ni Mylene.
Patuloy niya, "Honesty is the one that paves a big role.
"At saka, you know, kasi kapag kinimkim mo yung problema or s-in-ecret mo ang problema, or just because you don't want to attend [to it], eventuallly lalabas din yan, e. And it will comeback na hindi maganda yung pagkakasabi mo. So yun.
"Naging honest ako kay Paolo sa wants and needs namin at yung mga bata, and yun.
"Madali namang ma-resolve kung napapag-usapan. Kung hindi napapag-usapan, doon tayo may problema."
Nakausap ng PEP.ph (Philippine Entertainment Portal) si Mylene sa presscon ng Family Matters, na ginanap sa La Breza Hotel sa Mother Ignacia, Quezon City kamakailan.
MORE HOT STORIES ON PEP.PH
- Anatomy of A History Teleserye: "Noli yarn?" How GMA-7's hit teleserye Maria Clara at Ibarra came about
- (Updated) Vice Ganda, KathNiel, Beauty Gonzalez spotted at Eraserheads reunion concert
- REVIEW: Eraserheads turns back the clock, hits at "Huling El Bimbo" reunion concert
- Showbiz personality, misteryosong "nag-pass out" sa Eraserheads concert