Kung ang ama ng kanyang mga anak ay ikakasal na, may mga nag-aabang kung kailan naman magpapakasal si Mylene Dizon kay Jason Webb.
Naunang naiulat na masaya si Mylene para sa ex-boyfriend na si Paolo Paraiso na engaged na sa nobya nitong si Jessica Sto. Domingo.
READ: Mylene Dizon reacts to ex-boyfriend Paolo Paraiso's engagement
Sa kaso ni Mylene, siyam na taon na silang magkarelasyon ni Jason na basketball player-turned-coach.
Nakataas ang kilay na reaksyon ni Mylene sa usaping kasal, "Huh? Hahaha!"
Nakapanayam ng PEP.ph (Philippine Entertainment Portal) at ibang reporters si Mylene sa presscon ng Metro Manila Film Festival entry na Family Matters.
Hindi kaila sa press na hindi believer ng kasal si Mylene.
"Ganoon pa rin ang stand ko hanggang ngayon," diin niya.
Paliwanag ni Mylene ukol dito, "Hindi ko alam. I guess it's not just for me. May mga tao na gusto ang paksiw na lechon. May ibang tao gusto pinatisan lang."
Alin siya sa dalawa?
Natigilan saglit si Mylene bago sumagot, "Ayoko ng lechon. Hindi ako kumakain ng karne, e."
Napapag-usapan ba nila ni Jason na what if magpakasal sila?
"He knows me. He loves me," consistent na sambit ni Mylene.
"He understands me. He knows my reasons so I don't think it will come to that point."
Kahit bigla siyang sorpresahin ni Jason ng marriage proposal?
Pabirong hirit ni Mylene, "'Surprise!' 'Surprise ka rin!' Gusto mo ba'ng ma-surprise? Hehehe."
Sabay pagseseryoso rin niya, klaro sa kanila ni Jason na non-negotiable niya iyon.
"Alam niya yun. Hindi niya yun gagawin. He will never put me in an uncomfortable spot...
"Unfair yung mga ganoong klaseng surprise, unfair yun, e. It requires two people to make a decision, not a surprise."
READ: Mylene Dizon, Jason Webb keep romance alive in Boracay
HOW MYLENE WILL CELEBRATE CHRISTMAS
Masayang ipagdiriwang ni Mylene Dizon ang Kapaskuhan kasama ang dalawa niyang anak sa family celebration at ng partner na si Jason.
Sina Thomas at Lucas Miguel ang mga anak ni Mylene sa ex-partner niya na si Paolo.
"Hindi namin kasama si Pao sa Pasko. I'm with Jason and his family. Kami ng mga bata, e, doon kami magpa-Pasko.
"Si Paolo with our kids, I think, after Christnas susunduin niya ang mga bata," pahayag ni Mylene.
- Anatomy of A History Teleserye: "Noli yarn?" How GMA-7's hit teleserye Maria Clara at Ibarra came about
- (Updated) Vice Ganda, KathNiel, Beauty Gonzalez spotted at Eraserheads reunion concert
- REVIEW: Eraserheads turns back the clock, hits at "Huling El Bimbo" reunion concert
- Showbiz personality, misteryosong "nag-pass out" sa Eraserheads concert