Sa ibang paraan napiling ipagdiwang ng aktres na si Kris Bernal ang selebrasyon ng Pasko.
Sa kanyang Instagram post noong December 26, 2022, ibinahagi ni Kris ang masaya niyang pagbisita sa isang animal shelter sa Morong, Rizal.
Kasama ang kanyang loyal supporters o kung tawagin niya ay SHE-zums, nagsagawa sila ng “Christmas Pawsome Party” sa MBY Pet Rescue & Sanctuary — isang shelter para sa mga napabayaan at inabandonang mga aso at pusa.
Nag-ala Santa Claus si Kris nang bigyan niya ng pitong daang (700) kilo ng dog at cat foods, snacks, at vitamins ang mahigit dalawang libong aso at pusa na nakatira sa shelter.
Mababasa sa kanyang caption (published as is), “#KRISanta has arrived in town, specifically at MBY Pet Rescue & Sanctuary, to give a Christmas Pawsome party to 2000+ dogs & cats with my loyal SHE-zums!
“We did it!!”
Ayon pa sa aktres, walang mapagsidlan ang kanyang saya na nakapagbigay siya ng tulong sa mga hayop na malapit daw sa kanyang puso.
Saad ni Kris, “My heart is full knowing we've managed to provide 700kgs of pet food to over 2000 abandoned animals.
“I know it's far from enough and it's still a long a way to go to help small sanctuaries like MBY but I'm happy that my team and I mounted this event to make this festive season extra memorable, not only for us, but these furbabies too.”
Sa huli ay nagpasalamat si Kris sa lahat ng tumulong at naging bahagi ng kanilang donation drive.
Aniya, “Thank you so much for supporting this donation drive!”
“All the pagod, stress, and traffic is worth it seeing how it all turned out!”
Samantala, sa comments section ng kanyang post ay bumuhos ang pagbati at pagsaludo ng pet lovers, kanyang fans at co-stars.
Komento ng aktres na si Carla Abellana, “God bless you more and more, Kris!!! [pray emoji].”
Saad naman ng singer na si Anthony Rosaldo, “Proud of you Kris! [heart emoji].”
Comment pa ng isang netizen, “Love this!! [clap emoji] Thank you for spending time and donating to the voiceless animals. God bless you [pray and heart emoji].”
Sabi pa ng isa, “Thank you so much Kris. Sending prayers to a people like you na may golden heart sa tulad nila na mas need nang love and support. May God continue to bless you.”