Siniguro ni Heaven Peralejo, 23, na hindi totoo ang pang-iintriga sa kanila ni Ian Veneracion, 47.
Ito ay matapos bigyang-malisya ang pagtatambal ng dalawa sa Metro Manila Film Festival (MMFF) entry na Nananahimik Ang Gabi.
May mga nagsasabing kahit off-cam ay sweet daw sila.
Pahayag ni Heaven, "Siguro kasi, of course, we work together, kailangan ko rin namang galingan. Siguro nadadala ko lang off screen, pero what I have for him is respect.
"Full of respect and, of course, love din. May pagmamahal din ako kay Chief. He's the best partner, what can I do, di ba?"
Chief ang tawag sa karakter ni Ian sa pelikula.
Samantala, nung lumabas ang TikTok videos kunsaan makikita ang sweetness nila, pinukol si Heaven ng ilang negative comments, lalo pa't pamilyadong tao si Ian.
Pero deadma ang aktres.
Katuwiran niya: "Parang sanay na ako sa bashers. Parang ever since I started showbiz, part na siya, e. Wala na, e.
"For me, I'm just doing my job.
"And kung ang pinaparating namin ay 'sugar baby-sugar daddy' yung mga mensahe sa film na ito, at nagkakaroon ng bashers, at least, I think I'm effective."
Ayon pa kay Heaven, hindi siya papatol sa may asawa.
Ayaw din daw niyang makipagrelasyon sa kapwa-artista dahil sa mga hindi magandang karanasan niya noon sa ex-boyfriends na taga-showbiz.
Hindi nagbanggit ng pangalan si Heaven, pero hindi kailang kontrobersiyal ang huli niyang pakikipagrelasyon kay Kiko Estrada.
"I cannot, I really cannot. Na-trauma na ako, especially ako nga, personally, ayoko na ng showbiz na dyowa. Na-trauma na ako. Parang di na siya nakakatuwa.
"Pero masaya ako sa mga nangyayari sa buhay ko ngayon. Di ko kailangan ng lalake.
"Ako, masaya ako sa buhay ko. Ang love life ko kasi ngayon is career ko, yun ang pinagkaka-busy-han natin.
"Pero kung may darating, darating, pero kung wala, e, di wala," diin pa ni Heaven.
Tinanong din si Heaven kung ano ba ang mga natutunan niya sa nakaraan niyang mga relasyon na ia-apply niya sa susunod niyang pakikipagrelasyon.
"I learned a lot. Siguro una kong natutunan, kung di talaga, di talaga. Mararamdaman mo kasi yun, if everyone is against it, there's something wrong.
"Sobrang immature ko pa. Kumbaga nung mga panahon na yun na I thought love is supposed to be like this, now I know much more.
"It's supposed to be free-flowing. It gives you dapat happiness, dapat walang stress.
"Pag binibigyan ka na ng pimples at sakit ng ulo, hindi na siya maganda, di na siya nakakatulong."
Pero kung anuman ang pinagdaanan niya noon, sabi na lang niya, "Sabi nga kung may challenge sa iyo ang universe, may malaking blessing din naman afterwards.
HEAVEN PERALEJO ON IAN VENERACION AS "BEST PARTNER EVER."
Puring-puri rin si Heaven kay Ian na tinawag niyang "best partner ever."
Kuwento niya: "Of course, we really had to work it out at first. Parang we have to know each other, we have to be comfortable first para maging flow na lang siya, maging natural na lang din siya.
"Si Ian sets [the] standard for my next partner. He's actually the best partner ever.
"Ang bait niya, sobrang bait niya, ang caring niya. Lahat ng characteristics ng isang best partner nasa kanya. Good luck na lang sa susunod kong partner."
Sa simula pa lang ay naging maganda ang pakikitungo sa kanya ni Ian kaya naging magaan sa kanya ang lahat.
"Actually, nung first time ko nalaman na si Ian Veneracion ang ka-partner ko, 'Oh my God!' Siyempre Ian Veneracion na siya. It's an honor to be partnered with him, di ba?
"Pero yung first meeting namin, he never made me feel intimidated or what. He made me feel comfortable, that's what I love about him.
"He's so humble, he's a giving actor, sobrang dali ng trabaho namin, kaming tatlo [nina Mon Confiado].
"Sabi ko nga, parang ako yung mother nila na lagi nilang inaasar kasi sobrang kulit nila to be honest."