Bago pa man kumpirmahin ni McCoy de Leon na hiwalay na nga sila si Elisse Joson, ilang ulit nabalita ang hindi nila pagkakaunawaan. Pero hindi nagtatagal ay nagkakaayos din ang dalawa.
Read: McCoy de Leon confirms breakup with Elisse Joson: "Hindi ko po intensyon manakit ng tao o manloko."
Muling nagkaroon ng duda ang publiko na may problema sa relasyon ng dalawa dahil sa caption na “battle scars” ni Elisse sa Instagram post nitong nakasuot siya ng two-piece bikini noong December 3, 2022.
Read: Elisse Joson flaunts "battle scars" in latest bikini photo
Pagkalipas ng isang linggo, nakausap ng Philippine Entertainment Portal (PEP.ph) si Elisse sa renewal ng contract niya bilang endorser ng Cathy Valencia Advanced Skin Clinic sa BGC, Taguig City.
Dito ay nagpaliwanag si Elisse kung ano ang ibig niyang sabihin sa “battle scars.”
“Actually, they’re thinking, siyempre yung battle scars talaga is yung pinagdaanan sa pagbubuntis. But what I was thinking of when I posted that is the battle scars internally.
“Kasi, uhm, there’s a lot going on for me. Uhm, you know, personal life, professional life, work life... yung sabay-sabay.
“Parang sabi ko, kapag mom na pala talaga, ang daming kailangang pagdaanan. Ang daming challenges.
“So, yung battle scars is not just yung sa physical, but inside,” paglilinaw ng aktres.
NEW DISCOVERIES ABOUT HERSELF
Inamin din ni Elisse na marami siyang na-discover sa sarili bilang ina ni Feliz, ang baby nila ni McCoy, na hindi niya alam noon.
“Akala ko dati matapang na ako,” sambit niya.
“Akala ko dati matapang na ako in facing different, like challenges.
“But now that I’m a mom, parang ngayon talaga nate-rest na you don’t decide for yourself anymore, not for yourself anymore.vBut every decision talaga kailangan pag-isipan.
"At ngayon nakikita kung gaano katatag ang mga nanay. Not just me but, like, mga nanay in general. Hands down talaga ako,” papuri pa niya sa mga gaya niyang ina.
At the same time, ibinahagi rin ni Elisse ang mga nadiskubre nila pareho ni McCoy bilang mga magulang.
“Well, first, I think, yung mga simpleng arguments or away, hindi na puwedeng yung parang nakita mo may negative trait yung partner mo.
"You can’t just say I don’t like that about him and leave. You really have to work on it.
"Kasi ngayon, we’re still growing, individually.
“So, what we’re trying to do now is, siyempre, grow together. So, yun ang nakita ko sa kanya, yung patience niya.”
Nagbabago raw talaga ang level ng pagmamahal ng mag-partner para sa isa't isa kapag naging mga magulang na.
“Yeah, I think it does,” pagsang-ayon ni Elisse.
“Kasi dati, kilig lang. Parang very mababaw lang yung type of love or, like, parang yung understanding ninyo sa isa’t isa.
“Now it’s more on kahit na may mga araw na walang kilig, you know that you love each other. Parang yun kasi ang mas importante kapag mom and dad ka na.”
WEDDING PLANS
Natawa naman si Elisse nang tanungin kung may plano silang magpakasal ni McCoy.
Pero seryoso niyang tugon, “Well, uhm, really, that is the goal.
“But of course, parang realistically we want to prepare. Kasi siyempre, with the baby, honestly, we're not prepared. Yun naman talaga.
“So ngayon, para mas maayos ang maging steps sa future, we have to prepare for something big like that. But that’s really where it will lead naman.
"Parang no pressure lang din to anybody, di ba?”
Dream wedding?
“Dream wedding also….hindi na ako na ngangarap din ng something bongga,” sagot niya.
“I think what matters yung kayong dalawa and the people that love you are there to support. Family is there to support. Yun lang.
"Parang simple wedding also is more meaningful nowadays."
Muling natawa si Elisse sa tanong kung totoong madalas silang mag-away ni McCoy.
“Normal naman po yun. Normal naman na nag-aaway,” pag-amin niya.
“But it’s really up to both the people in the relationship kung paano nila aayusin.
“Pero siyempre, ako kasi, as much as possible, I will do everything for the family, for our child, for him, gagawin naman daw talaga.”
Sa kabila nito, si McCoy na kaya ang lalaking gusto niyang pakasalan?
“Hhaha! I don’t see anybody else,” sagot ni Elisse.
Ngunit tila malabo na itong mangyari dahil halos isang buwan pagkatapos naming makapanayam si Elisse, kinumpiurma ni McCoy na nagdesisyon na silang wakasan ang kanilang relasyon.