Hindi nangiming aminin ni Michelle Madrigal na maraming beses siyang niloko ng dating karelasyon kaya gumanti siya at naging unfaithful noon.
Naglaro si Michelle at kapatid na si Ehra Madrigal ng “Never Have I Ever” game sa December 30, 2022 vlog ni Michelle.
Isa sa mga tanong: “Never have I ever been cheated on more than once by the same partner.”
“I have. I have. Galit? I have,” madiing sagot ni Michelle na hinaluan niya ng konting biro.
“Wag nang pangalanan, pero yes. More than once.
“Ang tawag sa atin nun, shunga. Kasi same partner [ang nag-cheat].”
Katuwiran ni Michelle, matatanggap pa niya kung magkaibang partner ang nanloko sa kanya.
“Kahit nga nasaktan na, kaya nga tayo shunga, girl, e,” birong sabi ni Michelle sa kapatid na si Ehra, na sumagot din ng “I have.”
MICHELLE BECAME UNFAITHFUL
Sa tanong na “Never have I ever been unfaithful,” sinabi ni Michelle na nagtaksil siya noon.
“I have been unfaithful. Gumanti lang din ako," diretso niyang sagot.
Ang pinanggagalingan daw niya noon: “Sinaktan nila ako. Sabi ko, ‘A, kung kaya mo, kaya ko rin.’ Pero nung bata pa ako nun.
“Siguro nga dun sa heartbreak ko na sobrang na-depress talaga ako.
“I really promised myself I don’t ever wanna feel this way again. So, kaya ganun ang mindset ko.”
Pero kabig niya, “But it doesn’t really help.”
Ayon pa kay Michelle, nagsalita siya dati sa isang vlog at napagtantong walang mabuting maidudulot ang pagganti.
“Walang magagawa kung gaganti ka. Maggagantihan kayo. Walang outcome na mangyayari na maganda,” sabi ng aktres, na real estate agent ngayon sa U.S.
ON MEETING GUYS ON DATING APPS
Sa kabilang banda, nagkuwento rin si Michelle tungkol sa paggamit ng dating apps na nauuwi sa relasyon.
Si Michelle ay may karelasyong foreigner ngayon, si "Kyle," na nakilala niya sa isang dating app.
Ang kanyang ex-husband na si Troy Woolfolk ay nakilala rin ni Michelle sa dating app.
Pero paglilinaw ni Michelle, hindi siya tumatambay sa dating apps.
“Hindi ako yung matagal nag-i-stay. When I met Troy, siya lang ang first and last date ko dun and then I deleted it.
“Hindi ako yung multiple dates na sinu-sino.”
Katuwiran pa ni Michelle, ang ginamit niyang dating app para makilala ang current boyfriend ay para sa mga naghahanap ng mas seryosong relasyon.