Si Evlin Khalifa ang kinatawan ng Bahrain sa ongoing Miss Universe 2022 pageant.
Naging posible raw ang pagsabak niya sa prestigious international beauty pageant dahil sa kanyang team na binubuo ng mga Pilipino.
Ito ang binigyang-diin ng Bahraini beauty queen sa kanyang Instagram post ngayong Huwebes, January 12, 2023.
“For Filipinos,” bungad ni Evlin kung saan pinasalamatan nito ang kanyang all-Filipino team, na tinawag niyang “the best in pageantry.”
Napansin si Evlin sa ginanap na preliminary competition ng Miss Universe 2022 ngayong Huwebes (Philippine time) dahil sa suot niyang “burkini” sa swimsuit round.
Ang burkini, na kadalasang ginagamit ng Arab at Muslim women, ay isang klase ng swimsuit na natatakpan ang buong katawan maliban sa kamay at paa.
Agaw-eksena rin ang kanyang statement cape na isinusulong ang equal rights ng Arab women sa international pageantry.
Nagningning din si Evlin sa kanyang silver Hijabi gown.
Pero ang lahat ng ito—mula sa designers, makeup, at pasarela—ay dahil sa mga Pilipino.
Mensahe ni Evlin: “In Bahrain, it might be a new opportunity for us to join the greatest competition of its kind @missuniverse but the wind beneath my wings are undoubtedly the best in pageantry.”
Ito ang pangalawang beses na nagkaroon ng representative ang Bahrain sa most prestigious international beauty pageant.
Dagdag niya, “And this post is dedicated to my undying GRATITUDE to my Filipino Team, without them - I can never call myself a queen.”
Iginiit ni Evlin ang pagtanaw niya ng utang na loob sa kanyang all-Filipino team.
“It’s team work and I am so thankful to each and everyone who is part of my journey.
“You don’t know how much I love you.
“Mahal ko kayo, to my walk trainer, my make up artists, my stylist, my designer - all Filipinos - especially to my ever supportive National Director who is a certified Filipino pride and my co National Director - both of them have given me their entire efforts, time and wisdom so I can stand on the Miss Universe stage as they help me become a true transformational queen.”
Ang Filipino fashion and tourism writer/socialite na si Josh Yugen ang national director ng Miss Universe UAE at Bahrain franchises.
Ang Dubai-based Filipino fashion designer na si Furne One Amato naman ang designer ni Evlin.
Si Kylie Verzosa ang head empowerment ng Miss Universe Bahrain at si Maggie Wilson ang creative consultant.
Bago tumulak sa U.S. para sa Miss Universe 2022 pageant, pumunta muna sa Pilipinas si Evlin para mag-train sa ilalim ng Pinoy pageant trainors bilang paghahanda.
MISS BAHRAIN GRATEFUL TO FILIPINOS
Nais daw ni Evlin na ipakita ang pasasalamat niya sa mga Pilipino na naging daan para maging posible ang kanyang pageant journey.
“I always believe in gratitude. Without it, we will never appreciate the beauty of a glass half full / half empty.”
Aniya pa, malaking parte ng kanyang paglalakbay ay dahil sa pagkilala sa multicultural space, gaya pakikipagtulungan niya sa mga Pilipino.
“I believe that working together and being global is the best way to love, to progress and move forward.”
Pagtatapos ni Evlin, “Pilipinas, Maraming Salamat! Nagmamahal Bahrain!!”