Patuloy ang pagpapahayag ng sentimyento ng netizens, pati na ilang celebrities at social media personalities, kaugnay ng isyung kinasasangkutan ng actress/TV host/vlogger na si Alex Gonzaga.
May kinalaman ito sa pagpahid ni Alex ng icing sa noo ng waiter na may hawak ng cake sa birthday salubong para sa Tropang LOL host noong January 15, 2023.
Nakunan ito ng video at kumalat sa iba't ibang social media platforms.
Read: Ika-35 kaarawan ni Alex Gonzaga, nabahiran ng isyu dahil sa pagpahid niya ng cake sa noo ng waiter
Bagamat nakakuha ng mixed reactions ang kumalat na video, mas nangingibaw ang pagkondena at pagkadismaya ng karamihan ng netizens sa ginawa ni Alex.
Pero ang singer na si Kris Lawrence, pumanig kay Alex.
Nakipagsagutan pa si Kris sa netizens at idiniing makikinabang ang waiter sa pangyayari.
KRIS LAWRENCE DEFENDS ALEX
Nagbigay ng kanyang sentimyento si Kris matapos i-post sa Instagram ng news outlet na Inquirer.net ang tungkol sa insidenteng kinasangkutan ni Alex.
Nagkomento si Kris na sinabing sa halip na pagtuunan ang negatibo, isipin kung paano raw makikinabang ang waiter sa insidente.
Saad ng singer: “People always have something negative to say. Let’s fast forward and after this event that waiter just went viral, will probably get ‘something’ after, and a LOT of sympathy.
“Most recognition he ever got as a waiter.
“So after all the noise…i’m sure he will be grateful that this happened.
“Looks like people just like to extract the negative out of things instead of Positive.”
Kinastigo ng isang netizen si Kris sa sinabi nitong “most recognition” na nakuha ng waiter, at “he will be grateful” na nangyari sa kanya ito.
Banat ng netize: “OKAY WOW THIS IS JUST SO OUT OF TOUCH. Iba talaga pag privileged pwedeng apak-pakan ang mga tao.”
Hindi naman natinag si Kris.
Aniya: “yup. After all this controversy and noise is out of the way. Just watch.”
Buwelta ng isa pang netizen kay Kris: “OMG. That made what she [Alex] did right??? #Unbelievable”
Paglilinaw ni Kris, hindi niya kinukunsinti ang ginawa ni Alex pero hindi raw ito perpekto.
At ang pinahirang waiter daw ay magiging "the man" pagpasok nito kinabukasan dahil sa insidente.
Sabi ni Kris: “Hey no one’s perfect. She was clearly tipsy and it all comes down to intention.
“She was probably trying to have ‘fun.’ It’s how each one perceives it.
“For all we know she probably already said sorry.
“I’m not justifying her actions, but I just don’t agree with everyone making it such a negative thing.
“It will all turn out Great though – that, I’m sure of.
“When he goes to work tomorrow…he’ll be ‘the man.’
“And it’s not like his life is in danger cuz of some cake on the face.”
Sunud-sunod ang tirada ng netizens kay Kris dahil sa kanyang pananaw.
KRISTOF GARCIA, OTHER CELEBS DISAGREE
Samantala, hindi naman ito sinang-ayunan ng isa pang ‘Kris’ — ang indie actor na si Kristof Garcia.
Isa si Kristof sa mga naunang nag-react sa social media nang pumutok ang isyu.
Tweet ni Kristof: “Kahit gaano pa tayo kasikat, kayaman, o ma-impluwensiya. Huwag na huwag natin kakalimutan ang magpakatao. Maging humble lang lagi.
"Lahat ng Binigay satin ng Diyos ay pwede niyang bawiin sa iisang iglap. Maging mapagpakumbaba habang umaangat."
Hindi rin itinanggi ni Kristof na isa si Alex sa mga pinatamaan niya sa tweet niya.
Sinegundahan si Kristof ng komedyanteng si Inah Evans.
Tweet niya: “Ayoko talaga ng may biglang pinapahid pahid sa pes without my consent. Lalo na kapag naka make up dzai. Duduraan talaga kita. Hahahaha. Lalo na kung 'di naman tayo close. Ay sino ka diyan?”
Diretsa rin tinag ni Inah si Alex dahil sa ginawa nito sa waiter.
“Ats baka naghahanap ka Bible verse for your recent fiasco, eto nakita kwoah, may pahiran rin! @Mscathygonzaga
“'Because of you I will rebuke your descendants; I will smear on your faces the dung from your festival sacrifices, and you will be carried off with it' - Malachi 2:2-3”
Ang social media influencer namang si Sassa Gurl ay ipinost sa Instagram Story ang poster ng 2022 movie nila ni Alex na The Entitled.
Halatang patutsada ito kay Alex kasunod ng ginawa nito sa kanyang birthday salubong.
Biro ni Sassa, tila "tinotoo" ni Alex ang title ng kanilang pelikula.
