Itinuturing ni Boboy Garrovillo na himala na siya ay nakaligtas sa isang major car accident.
Sa eksklusibong panayam ng PEP.ph (Philippine Entertainment Portal), ikinuwento ni Boboy na nabangga ang mimamaneho niyang kotse noon lamang December 2022.
"It was Christmas eve, December 24, sa Las Piñas. I'm from Alabang.
"I hit a tree. Wasak yung sasakyan, the airbags flew, it was a major accident.
"I got out of it. Ang sugat ko lang itong daliri ko lang. Yung skin lang ang natanggal dito," sabay turo ni Boboy sa kamay.
Laking-pasasalamat daw ni Boboy na walang masamang nangyari sa kanya.
"When my wife picked me up, everybody said, 'Sobra namang suwerte mo! Siguro ang dami mo talagang guardian angel.' Sabi ko, 'Oo.'"
Naniniwala si Boboy na isa sa "guardian angel" niya ang pumanaw na kaibigang si Danny Javier.
"Alam niyo, these past three years lang yung barkada ng APO, yung labindalawang barkada ng APO, apat ang namatay. We lost four, including Danny."
Noong October 31, 2022, si Danny ay pumanaw sa edad na 75 dahil sa matagal nang karamdaman.
Ang tinutukoy ni Boboy na "APO" ay ang APO Hiking Society, ang OPM band na kinabibilangan nila nina Jim Parades at Danny.
Pero bago sila sumikat sa showbiz, unang nabuo ang grupo habang nag-aaral pa sila sa Ateneo at may kasama sila roon na iba pang mga miyembro.
Patuloy ni Boboy tungkol sa apat na pumanaw na original members ng APO, "So, yun ang mga guardian angel ko."
Guardian angel din daw ni Boboy ang ina niyang pumanaw na rin.
"I wasn't even able to visit her wake kasi COVID, 'no. I was only able to visit her last year nung nag-open na.
"So, ayun nga, itong mga guardian angels watching you, sabi ng lahat ng kaibigan ko, 'Imposible! Hindi ka man lang nasaktan, wala kang bali, hindi ka naganyan.'
"Wala, I was unscathed. Thank you, Lord. Thank you to my angels."
Nakapanayam ng PEP.ph si Boboy sa pocket press conference ng upcoming concert na All Heart, na ginanap sa Kenny Rogers sa Katipunan Avenue, Quezon City.
Sa presscon proper unang ibinahagi ni Boboy ang tungkol sa kanyang car accident at ang paniniwalang binabantayan siya ni Danny bilang guardian angel.
Sa kaso ni Jim, may paramdaman din daw sa kanya si Danny.
"In a dream, he was singing a song. He was singing a song to me. Sabi niya, 'O, i-memorize mo ito.'
"It was clear. I knew he was talking to me. Sabi niya, 'Ito yung kanta.' Sabi ko, 'Okay!' And in my dream I was memorizing it.
"Paggising ko, hindi ko maalala," kuwento ni Jim.
Sabay dagdag niya tungkol sa napanaginipang si Danny, "Baka babalik yun."
Ang All Heart concert ay gaganapin sa February 14, sa Plenary Hall ng Philippine International Convention Center (PICC).
Makakasama nina Boboy at Jim (APO Hikig Society) sina Raymond Lauchengco, Itoy Rapadas (Neocolours), Wency Cornejo (AfterImage), at Roselle Nava.
Bahagi rin ng tema ng concert ang makukulay na love stories mula sa Joe D’ Mango's Love Notes.
- Zeus Collins turns PHP50K savings into food business with 43 branches
- Vivamax star Andrea Garcia defends brother Jet Delgado against singer Ryssi Avila: "Don't act like a victim."
- Meet Dexter Valenton, first Aeta na pasado sa Criminology Licensure Exam
- Alden Richards finally reveals what happened between him and Julie Anne San Jose