Diretsahang tinanong si Joaquin Domagoso kung may plano na silang magpakasal ng girlfriend na si Raffa Castro ngayong may anak na sila.
"Tinanong niyo yan last time, yes and no lang," sagot ni Joaquin.
Paliwanag niya, "I don't wanna say anything, sayang lang. Sayang kay Raffa kapag sinabi ko pakakasalan ko na siya.
"E, di alam na niya, di ba? Di na niya hihintayin. Paano ko ipe-prepare ang sarili ko para pakasalan siya if sinabi ko na? There, she already knows."
Nakapanayam ng PEP.ph (Philippine Entertainment Portal) si Joaquin sa presscon ng Ako Si Ninoy, na ginanap sa PSF Black Theater, noong January 22, 2023.
Naniniwala si Joaquin na hindi minamadali ang pagpapakasal.
Katuwiran ng 21-year-old actor: "You have to be worth it. You have to grow there. Di ka dapat pakasal dahil may anak ka kasi kawawa naman yun sa babae.
"What would the girl feel or the guy feel? Na pinakasalan mo lang ako dahil may anak tayo at hindi dahil mahal mo ako?
"Dapat mahal mo ako, dapat mahal mo kaya pakakasalan mo."
Hindi rin naman daw siya pinangungunahan ni Raffa.
"She never really said anything about pakasal kasi siyempre naman girl, di ba?
"Dapat lalake talaga. Pag girl ang nagsabi na, 'Pakasalan mo ako,' ang lakas mo naman, di ba? Ganun din ang thinking niya, ganun din ang mindset niya.
"I'm not hoping na anything happens bad. I really hope everything happens good."
Excited naman si Joaquin sa nalalapit na February 14 dahil ipagdiriwang daw nila iyon ng kanyang pamilya sa Japan.
First trip din daw iyon ng anak nila ni Raffa na si Scott.
"Kasama si Scott, first time niya. By that time nine months na siya. Ngayon, inaayos namin ang lahat, visa, may passport na. Hindi kami sa Tokyo, yung skiing sa North."
Nilarawan rin ni Joaquin ang sarili bilang isang mabuti, mapaglaro, at makulit na ama kay Scott.
"A very good father. I am playful, kiddy, and noisy father. Talkative ako, kahit wala akong kausap basta may kausap akong baby, ang dami kong nasasabi."
Naisapubliko ang tungkol sa pagkakaroon ng anak ni Joaquin noong June 2022, at nagsalita ang Kapuso actor tungkol dito noong December 2022.
Isinilang si Scott sa FEU Medical Center noong April 28, 2022.
- Netizens call out Vice Ganda for "disrespecting" Karylle on It's Showtime
- Vice Ganda takes a swipe at Kim Atienza for "liking" comments against It's Showtime host
- Pokwang on ex-partner Lee O'Brian: "Feeling ko, hindi niya ako minahal talaga."