Binigyang diin ng dating aktres at businesswoman na si RR Enriquez na hindi kailangang magkaanak ang isang babae para matawag itong ganap na babae.
Sa Instagram post niya ngayong araw, February 10, 2023, ibinahagi ni RR ang screenshot ng isang netizen na nagtanong ng: "Miss RR BAKIT WALA PA KAUNG ANAK?"
Sa nasabing post, inihayag ni RR ang mga rason kung bakit nananatili siyang childless kahit halos labing-apat na taon na silang magkarelasyon ng former Ginebra player na si Jayjay Helterbrand.
Hindi maganda ang naging dating kay RR ng nasabing tanong ng netizen dahil bagong gising umano siya.
Kahit wala siyang anak, hindi raw ibig sabihin nito ay hindi niya gustong makasalamuha ang mga bata.
Sabi ni RR (published as is), “As a Sawsawera Queen and bagong gising na medyo wala pa sa mood sasawsawan ko ito.
“I love kids! If someone will carry the baby for me or meron magpapa adopt basta cute at hindi tyanak na iyakin baka iconsider ko pa CHERET!!!"
Dagdag pa niya, hindi niya kakayanin ang ingay ng iyak ng bata lalo na yung mga tinatawag na colic baby.
Ang colic baby ay batang labis na umiiyak kahit walang dahilan sa loob ng ilang oras.
Sabi pa ni RR, hindi niya kayang magbuntis ng siyam na buwan, manganak whether normal man o caesarean delivery, mag-alaga ng bata magdamag, at ang magpadede.
Aniya, “Seriously….. I just couldn’t stand their noise when they’re crying. Na experience ko yan sa mga kapatid ko. Specially if colic baby. Kaya ang galing ng ibang Moms na kinaya yan.
“Those sleepless nights because need mo mag pa dede ng baby. Carrying the baby for 9months, delivering the baby whether normal or CS then yung mag papa breastfeed ka pa.. Thinking all of those hindi ko talaga kaya.”
Ang pagkakaroon ng anak ay hindi lang daw talaga angkop sa kanya.
Masuwerte raw siya na ang kanyang partner na si Jayjay ay tanggap ang desisyon niyang huwag mag-anak.
Aniya (published as is), “But don’t get me wrong! I admire Mom’s na kinaya yan. But having kids is not for me. And I’m blessed to have a partner who respect my decisions for not having a kids.”
“PLEASE BE MORE SENSITIVE”
Paalala pa ni RR sa netizens, dapat maging sensitibo sila sa pakiramdam ng ibang babae dahil marami aniyang rason kung bakit hindi sila nagkakaanak.
Paliwanag ni RR (published as is), “And please be more sensitive for asking that question like as if having kids should be a woman’s aspiration.
“Isa pa.. Some women wants to get pregnant and hindi sila makabuo. So if you ask them this kind of questions minsan offensive sa kanila yan coz you don’t know what they’re going through. Nakakadagdag lang kayo ng depression sa iba…”
Nairita na raw siya sa mga ganitong klaseng katanunang paulit-ulit na naitatanong na sa kanya.
Aniya, “To be honest I’m not bothered it’s just irritating lang na bakit kailangan paulit ulit tanungin like kailangan ba talaga na magkaroon ng anak ang isang babae para matawag na babae?
“Yan lang ba magpapaligaya sa ating mga babae? Juskolord trust me I don’t envy those Mom’s na may kids… Natutuwa ako seeing them kasi dream nila yun specially sa mga friends ko. But you have to remember na hindi para sa lahat yan…
“So please stop asking questions.. Minsan mga Mema lang kayo eh….”
Masaya na raw siya sa kanyang alagang aso na itinuturing na niyang anak.
View this post on Instagram