Klinaro ni Diego Loyzaga ang ibig sabihin na hindi on speaking terms ang mga magulang niyang sina Teresa Loyzaga at Cesar Montano.
Sinabi ni Teresa kamakailan na wala pa sila ni Cesar sa level na masasabing "okay" sila.
Paliwanag ni Diego ukol dito, "It's not that they are not okay, let me elaborate.
"My dad, even with Tita Shine nung beginning wala siyang gaanong nasasabi, kasi alam mo na may ilangan yun, e. Nahihiya sila sa isa't isa."
Ang tinukoy ni Diego na "Tita Shine" ay si Sunshine Cruz, ex-wife ni Cesar.
Taong 2013 nang maghiwalay sina Sunshine at Cesar, at kontrobersiyal ang legal battle nilang tumakbo ng ilang taon. Nagkaroon din sila ng isyu sa custody rights.
Pero taong 2022 nang magsimulang maka-bonding muli ni Cesar ang tatlong anak na sina Angelina, Samantha, at Franchesca.
Kalaunan, nakasama na rin si Sunshine sa bonding ng kanilang blended family—simula sa debut ng anak nila ni Cesar na si Samantha noong August 2022, at nasundan ng Bohol trip noong New Year. Sa mga okasyong iyon ay naroon din si Diego.
Sabi naman ni Diego, right timing lang ang kailangan para si Teresa naman ang makasama sa bonding ng kanilang blended family.
"It just happened nung Bohol, my dad, both of them [Cesar and Sunshine] were there, nag-invite na si Papa na magsama.
"Although prior to that, nagsama na naman talaga sila. But, like, what can they talk about, di ba?
"In my mom's case din, ganun din. Si Mama din nandiyan nung MIM [Maid In Malacañang]. Nandun si Mama, nandun si Papa, same table silang dalawa, hi, hello lang sila."
Naiintindihan daw ni Diego na hindi madali ang mag-establish ng rapport sa pagitan ng mga magulang na dating magkarelasyon.
Paliwanag pa ng aktor: "I can only try and put myself in their shoes. To parents who watch this, I don't know kung mayroon kayong ganung situation in life.
"It's difficult na may anak kayo tapos you're separated. What small talks can you make with your ex-lover or ex-partner?
"It's not that they are not okay, it's just that ano ang mapag-uusapan nila?
"Ang ganda ng panahon natin ngayon, 'no? Parang ganun na lang. Awkward yun, e."
Nakapanayam ng PEP.ph (Philippine Entertainment Portal) si Diego sa mediacon ng pelikulang Martyr or Murderer ng Viva Films. Ginanap ang event sa Podium Hall ng The Podium, noong February 9, 2023.
DIEGO Loyzaga's PARENTS' AWKWARDNESS
Idinadaan daw ni Diego sa biro kapag napapansin niyang nagkakailangan ang ina at ama.
"It's funny, I love it, I'm relishing it. 'Mom, uy, bakit torpe ka?' Ginaganun ko siya. Si Dad din, ginaganun ko rin si Dad."
Mas gusto raw ni Diego na kusang mangyari kung gugustuhin man daw ng mga magulang niyang mag-usap at magkaayos na parang magkaibigan.
"For me, kung saan sila masaya. I mean, kung happy sila na magkaaway, e, di happy ako na magkaaway sila.
"Kung happy sila na magkaibigan, e, di happy ako na magkaibigan sila. All I want is both of them are happy, and I see my dad is happy, I see my mom is happy.
"She's happy with what I am doing, my dad is happy with what I am doing, I couldn't ask for more."
Supportive naman si Teresa sa nakikitang pagkakaayos nina Diego at Cesar, at pati na nina Sunshine at Cesar.
DIEGO ON HIS DYNAMICS WITH MOM TERESA
Nang kumustahin ang relasyon nila ni Teresa, inilarawan ni Diego ang typical na mother-son dynamics nila.
"My mom kasi, she's a single parent who brought up two men in this world. I guess all single parents, man or woman, can relate na it's hard to bring up children into the world.
"She's a strong person, so minsan nagka-clash yung ano namin, her alpha and me being my own self... Minsan di kami nagkikita eye to eye.
"But aside from that, it's something normal that happens in every household.
"We don't fight, ha? Minsan, 'This is green,' she says, 'No, I think it's blue.' Ganun lang."