Tuluyan nang isinapubliko nina Zanjoe Marudo, 40, at Ria Atayde, 30, ang pagsinta nila sa isa't isa.
Read: Ria Atayde posts sweet moments with Zanjoe Marudo
Ngayong Miyerkules, February 15, 2023, si Zanjoe ang nag-post sa Instagram ng sweet photos nila ni Ria na kuha sa kanilang Valentine's Day celebration.
Halatang masaya ang couple habang ine-enjoy ang mountain view sa nirentahan nilang airstream.
Romantic ang vibe lalo pa't kuha ang moment sakto sa sunset time.
Walang ibang caption si Zanjoe kundi simpleng heart emoji.
Nag-reply si Ria ng "Best first Vday ever" at ni-repost ang post ng nobyo.
Ito ang unang pagkakataong naka-highlight sa feed ni Zanjoe ang couple photos nila ni Ria.
Kadalasan kasi noon ay nasa Instagram Stories lamang nila ang kanilang mga litrato, o di kaya naman ay isinasama ng dalawa ang picture nila sa album kasama ng pictures ng kanilang barkada.
Hindi naman maitatangging mas lumalalim ang relasyon ng dalawa, lalo pa't pagpasok ng Bagong Taon ay kasama si Zanjoe sa bakasyon ng pamilya Atayde sa Taiwan.
Hanggang sa noong January 17 ay inamin ni Zanjoe sa isang TV interview na "out in the open" ang relasyon nila ni Ria.
Read: A look back: Zanjoe Marudo's rumored and real-life romances