Isusubasta ang itinuturing na pinakamatanda at most complete Hebrew Bible sa kasaysayan.
Ito ang 1,100-year-old na Codex Sassoon na sinasabing “most influential book in human history.”
Codex ang tawag sa mga manuscript pages na tinahi para gawing aklat.
Isusubasta ito sa darating na Mayo 2023 at ang presyo ay expected na maglalaro mula US$30 million hanggang US$50 million o katumbas ay PHP1.6 bilyon hanggang PHP2.7 bilyon.
Tinatayang sinimulan itong buuin noong late 9th century hanggang early 10th century.
Tinawag itong Codex Sassoon dahil isinunod ito sa pangalan ng dati nitong owner: si David Solomon Sassoon (1880-1942), isang bibliophile at Jewish community leader.
Binubuo ito ng 792 parchment pages na gawa sa balat ng hayop. "Most complete" ito dahil 17 pages lamang ang nawawalang pahina nito, ulat ng CNN.
WORLD’S OLDEST HEBREW BIBLE
Ang Hebrew Bible ang siyang foundation ng tatlong relihiyon: Judaism, Kristiyanismo, at Islam.
Mayroon pang mas matandang manuscript kesa sa Codex Sassoon—ang Dead Sea Scrolls at Aleppo Codes, na parehong nawawalan nang napakaraming pahina.
Kaya ang Codex Sassoon ang “oldest and most complete,” report ng CBS News.
Mas matanda ito ng 100 years sa Leningrad Codex, ang pinakamatanda at kumpletong Bibliya.
Ilalabas para i-exhibit ang Codex Sassoon sa United Kingdom, Israel, at U.S. sa mga susunod na buwan, bago ito isusubasta ng Sotheby’s sa Mayo 2023.
Huli itong nakita ng publiko higit 40 years ago.
Ang Sotheby’s ay premyadong auction house na nagsusubasta at nagbebenta ng mga mamahalang items, antigo man o modern.
