Halos isang taon na ang lumipas mula nang magkaayos si Diego Loyzaga at ang amang si Cesar Montano.
Read: Diego Loyzaga opens up about his decision to reconcile with dad Cesar Montano
Sa panayam ng PEP.ph (Philippine Entertainment Portal) nitong February 9, 2023, inalala ni Diego na ang pagkakasakit ni Cesar noon ang nag-udyok sa kanyang kalimutan kung anumang isyu nila.
Saad niya, "Tomorrow isn't assured. What you have today, be grateful for it. People always make plans na, 'Siguro, sige sa future, maaayos din naman, magagawan ng paraan.'
"I have to say when I found out my dad was sick nung COVID time, I had to put our differences aside already.
"Kahit magmukha akong whatever, he's my dad at the end of the day.
"You have to make the most of what you have today, right now.
"I don't wanna miss [any day] without having my [parents]. My mom is always there I know, and now my dad is also present in my life, napakasarap lang na pakiramdam."
Bukod sa bonding moments nilang mag-ama, dalawang beses na rin silang nagkatrabaho sa pelikula.
"Happy, dream come true. For the longest time, I want to work with my dad, tapos nangyari pa ito," ani Diego.
Sumunod na nagkaroon ng renewed relationship kay Cesar ay ang mga anak nito sa ex-wife na si Sunshine Cruz—sina Angelina, Samantha, at Franchesca.
Kaya nagkakasama-sama na sila pati ang pamilya ni Cesar sa current partner na si Kath Angeles.
"Now the whole family is together. We spent New Year's together kasama ang mga kapatid ko.
"My three sisters with Tita Sunshine, my eldest sister, my three new siblings with dad's new parther.
"Parang years ago, who would ever thought na mangyayari ito?
"But everything fell into place and I'm just grateful for that."
Umaasa rin si Diego na sunod na makakasama sa bonding ng blended family nila ay ang ina niyang si Teresa Loyzaga.
Read: Diego Loyzaga explains why parents Teresa Loyzaga, Cesar Montano are not on speaking terms
Masasabi ba niyang buo na siya ngayon?
Sagot ni Diego, "Oo naman, I know what I need to do and I know what I want to do in life."
ON BEING SINGLE
Nang tanungin naman namin kung may karelasyon siya ngayon, sinabi ni Diego na single muna siya habang busy sa trabaho.
"No, relationship isn't something I should focus on right now. I have other things that I need to focus on.
"My life has been so peaceful lately and wanna keep it this way," aniya.
Umiwas na rin siya magsalita tungkol sa past relationships niya.
"Communication? No, I don't wanna talk about that. I don't wanna name names," paiwas na pagtatapos niya."