Sa pinakaunang pelikula niyang Ako Si Ninoy, gaganap si Cassy Legaspi bilang si Ingrid.
Tinanong namin ang Sparkle actress kung paano niya pinaghandaan ang papel niya, kung ano ang transition niya mula sa pagiging si Nina na anak ng Presidente sa First Yaya at First Lady hanggang sa Ako Si Ninoy na mabigat ang tema?
“Actually, yung First Yaya and First Lady it was a very, very, very good learning experience for me, 'tapos after, nagkaroon na ako ng guesting sa iba’t ibang mga shows sa GMA and ayun nga po, nag-MPK ako and I could say that MPK really, really helped me get into a more serious role.”
Ang tinutukoy ni Cassy ay ang episode ng Magpakailanman na umera nitong nakaraang Enero, ang "Sana Muling Makapiling," kung saan ibinenta siya ng kanyang ina, na ginampanan ni Glydel Mercado, para maipagamot ang mister nito na may malubhang sakit
“So that really helped me prepare for Ako Si Ninoy and of course, inaral ko po yung script ko, yung character ko, and apparently bawal pa sabihin kung ano yung issue ng character ko, but I have asked people who have dealt with that issue kung how they feel about it, how they’re going through it and all of that, para mas maintindihan ko yung character ko and hopefully I represent them well, very much learning about the role and taking it super-seriously.”
Ipapalabas sa mga sinehan ang Ako Si Ninoy sa February 22.
Sa panulat at direksyon ni Vince Tañada at mula sa PhilStagers Films, bida sa Ako Si Ninoy si JK Labajo bilang si Benigno “Ninoy” Aquino at kasama rin sa cast sina Joaquin bilang si Yosef, Sarah Holmes bilang Cory Aquino, Johnrey Rivas bilang Noli, Marlo Mortel bilang Quentin, Bodjie Pascua bilang Nanding, at marami pang iba.
CASSY RIPE FOR MORE SERIOUS DRAMATIC ROLES
Ano ang masasabi ni Cassy na sa maagang stage ng kanyang career ay sumabak na siya sa paggawa ng isang pelikulang may seryosong tema at masasabing “mabigat” dahil tumatalakay sa kasaysayan ng Pilipinas?
“Well, kasi in my career, I’m used to commercial acting, yung cute lang, so you know, quite challenging po, and it’s also my first movie, my first movie ever, 'tapos musical pa siya, so first musical ko rin.
“It’s also siguro medyo heavy drama yung film, kaya there’s many firsts in this movie for me.
"Yeah, it’s challenging but I really had fun coz I know na, like what they say, as an actor you have to level up. So instead of sticking to your usual acting ko na you know, cutesy-cutesy, naging seryoso ako sa film na ‘to, so I hope na the people will get to appreciate coz I was very, very challenged dito.”
Sa First Yaya at sa First Lady nabuo ang loveteam nina Cassy at Joaquin Domagoso ngunit hindi sinasadyang nabuwag na iyon dahil nga isa nang ama si Joaquin ngayon sa partner nitong si Raffa Castro.
CASSY ADMITS CRUSH ON ALDEN
Kaya tinanong namin si Cassy kung mas gusto ba niya na may ka-love team siya or solo siya?
“Hmmm,” ang tumatawang unang reaksyon ni Cassy sa tanong namin, “Actually, anything po. I’m very open to doing anything pero sana po for now, I want to get paired with other people or actually mas okay rin po yung solo.
“As of right now po, I’m checking for myself kung ano talaga ang gusto kong gawin, what type of roles I’m into, so very open-minded po,” at muling tumawa si Cassy.
Kung tatanungin si Cassy ng Sparkle at GMA kung sino ang nais niyang maging leading man sa susunod niyang proyekto…
“Number one answer ko po, si Kuya Alden,” at tumawa na tila kinikilig si Cassy sa pagbanggit sa Pambansang Bae na si Alden Richards.
“Forever, forever answer ko is si Kuya Alden. So Kuya Alden, if you’re watching now…”
Bakit si Alden?
“Well, first of all, he’s a very good actor and he’s Alden… he’s Alden!
“And ayun po, I’ve always had a crush on him since before,” pag-amin ni Cassy.
Alam ba ni Alden na may crush si Cassy sa kanya?
“Hindi po ako sure,” ang patuloy na tumatawang sagot ni Cassy, “Sana po hindi!”
Biro namin sa kanya, malalaman na ni Alden ngayon.
“Oh no!
“But yeah ayun, so baka po, eto po yung idea na sini-share ko, wow! Baka naman,” ang kuwelang panawagan pa ni Cassy na pagtambalin sila ni Alden ng GMA.
Sa All-Out Sundays pa lamang nakakatrabaho ni Cassy si Alden pero sa isang serye o acting project ay never pa.
“Hello GMA, kaway-kaway!” pabiro pa niyang pangwakas.