Sa pelikulang Martyr or Murderer ay gumaganap si Cesar Montano bilang dating Pangulo ng Pilpinas na si Ferdinand Marcos, kaya tinanong namin si Cesar kung ano ang pagkakapareho at pagkakaiba niya sa dating President.
“Naku, malayo!
“Napakagaling na tao nun at napakagaling magsalita at napakatalino. Lahat ng kanyang speeches… extemporaneous yung mga speeches, e.*
“Well, tingin ko perfectionist din yung taong yun e, and nung… Siyempre ang mai-interview ko na lang ay si Senator Imee [Marcos], so in-interview ko siya kung papaano yung gawi niya, how he thinks before, papaano ba siya magalit, kasi may mga galit ako dun e, papaano ba siya magalit, tinatanong ko yung mga detalyeng ganun.
“So I’m so blessed as an actor na meron pa akong na-i-interview pang ganun, na mga kamag-anak, para lang magampanan ko nang mahusay ang role na yan,” pahayag ni Cesar, na ekslusibong nakausap ng PEP.ph (Philippine Entertainment Portal).
Naganap ito sa mediacon ng Martyr or Murderer noong nakaraang Pebrero 9 sa Podium Hall ng Ortigas Center.
Wala ba siyang masasabing pagkakaiba nila?
“Marami!
“Ang dami-dami, kaya big challenge sa akin. Huge challenge ang… yung hair na lang, nung in-offer sa akin ‘to, yung hair ko napaka-igsi, e. Buti nga ngayon nakahabol-habol na yung hair ko nang konti, e. Yun, isa yun, so kung mas mahabang preparasyon, mas maaayos ko pa ‘to.”
Bakit si Senator Imee ang nainterbyu niya at hindi ang unico hijo ng dating Pangulo na si Presidente Ferdinand “Bongbong” Marcos Jr.?
“Nakausap ko rin but, siyempre ako, respeto. Dahil presidente natin, ayoko siyang gambalain, mas malaki ang problemang kanyang hinaharap sa problema ng bansang Pilipinas kesa sa isang role na gagampanan ko lang. Ayoko nun, I would feel guilty para istorbohin siya.”
Kung nabigyan ng chance na makausap ni Cesar ang dating Pangulo nung buhay ito, ano ang sasabihin ni Cesar dito?
“Maraming salamat sa pagmamahal mo sa ating bayan.
“Maraming salamat at hindi mo binigyan ng command ang Armed Forces, ang kapulisan, para pagbabarilin ang mga nagra-rally sa EDSA noon, na puwede ninyong gawin to retain your power, but you didn’t.**
“Mas pinagpasya ninyong hindi bale nang i-give up ang inyong puwesto, kesa makapatay kayo ng kapwa ninyo Pilipino na matagal ninyo nang pinaglilingkuran at minamahal, kaya maraming salamat,” ang seryoso at emosyonal na sinabi ni Cesar.
Ipapalabas sa mga sinehan sa March 1, tampok rin sa Martyr or Murderer na tungkol sa ilang bahagi ng buhay ng mga Marcoses, sina Ruffa Gutierrez bilang Imelda Marcos, Cristine Reyes bilang Imee Marcos, Diego Loyzaga bilang Bongbong Marcos, at sina Elizabeth Oropesa, Kyle Velino, Cindy Miranda, Beverly Salviejo Franki Russell, Billy Jake Cortez at marami pang iba.
Ito ay sa direksyon ni Darryl Yap.
MULA SA PEP.ph EDITOR-IN-CHIEF JO-ANN Q. MAGLIPON:
* May pool of presidential speechwriters si Ferdinand Marcos Sr., kunsaan kasama ang mga tanyag na manunulat ng bansa. Dalawa rito ay ang batikang writers at spokespersons na sina Jacobo "Jake" Clave at Adrian Cristobal.
**Ito ang nangyari sa People Power revolt at mga huling araw ni Presidente Marcos Sr., ayon sa washingtonpost.com ng Feb. 26, 1986:
The moment of truth for Philippine President Ferdinand Marcos came in a desperate telephone conversation with Sen. Paul Laxalt (R-Nev.) Monday at the White House. "Senator," a weary Marcos asked, "what do you think? Should I step down?"
Laxalt, who felt a rush of sympathy for Marcos, replied, "I think you should cut, and cut cleanly. I think the time has come."
There was a long pause that seemed to last for minutes. Finally, Marcos said softly, in a dispirited voice, "I am so very, very disappointed."
In the end, a defeated Marcos got the bad news that his 20-year rule could not continue from the senator who had brought him warnings from President [Ronald] Reagan four months earlier and who, he knew, spoke with presidential authority.
Laxalt's message to Marcos was the climax of an extraordinary chapter of diplomacy in Reagan's presidency, one that began with the United States trying to steer Marcos toward military and economic reforms, then push him to hold a free and fair election, and finally to ease him out of office.