Eric Tai on getting axed from It’s Showtime in 2016: “Di na nila kami kailangan.”

Eric on It's Showtime: "I have a name now dahil sa inyo."
by Bernie V. Franco
Mar 3, 2023
eric tai
Eric Tai, also known as Eruption, recalls the moment when an It's Showtime producer told him that his services are no longer needed in the show. Eric was fired on the noontime show in 2016.
PHOTO/S: YouTube (Julius Babao UNPLUGGED / ABS-CBN Entertainment)

Ibinahagi ni Eric “Eruption” Tai ang pagkakatanggal niya sa ABS-CBN noontime show na It’s Showtime noong 2016.

Si Eric, Tongan-Filipino athlete at showbiz personality, ang isa sa mga unang co-host ng daily noontime show na nagsimula noong 2012.

Pero pagkatapos ng apat na taon, natanggal si Eric, ganundin ang isa pang host noon na si Coleen Garcia.

Pagsisiwalat niya, kinausap siya noon nang masisinsinan ng producer ng show.

Sinabi ng producer kay Eric na hindi na kailangan ang kanyang serbisyo kasunod ng pagre-reformat ng programa.

Aminado si Eric na “biglaan” ang pangyayari.

Idinetalye niya ang araw na iyon sa interview niya sa vlog ni Julius Babao noong February 23, 2023.

Pagbabalik-tanaw ni Eric, “Papasok na ako ng Showtime. Tapos kinuha ako nung producer. Sabi niya, ‘Puwede tayong mag-meeting muna?’ Umakyat kami sa taas.”

Nakaramdam daw si Eric dahil bihira siyang ipinapatawag sa taas.

Patuloy na lahad niya, “And then I have a feeling that something is going on. And then sabi niya [producer], ‘Pasensiya na, Eric, nagkaroon kami ng reformat. Di na kailangan ang services mo dito.’”

Maluwag daw itong tinanggap ni Eric at nagpasalamat sa producer.

Sabi raw niya sa producer: “Kasi kilala na ako dahil sa inyo. And I will always hold that to my heart na Showtime, maraming salamat. Direk Bobet [Vidanes], maraming salamat, Vice [Ganda], everyone there, thank you.

“Because I’m known as Eruption. I have a name now dahil sa inyo. I was able to get endorsements, my social media following jumped.”

WHAT HAPPENED NEXT TO ERIC

Nagbigay naman daw ng words of encouragement ang kapwa It’s Showtime hosts ni Eric matapos siyang matanggal sa programa.

“They were, like, ‘Do what you need to do. Shine on your own. We hope that you’d be okay,’ yun lang.

“Lahat sila they sent their messages, ‘Hope you’re okay. You got this. Kaya mo ito.’”

Sa sumunod na anim na buwan o isang taon, nanahimik daw si Eric at hindi isinapubliko ang pangyayari.

“Dami nagtatanong, ‘Wala si Eruption. Wala si Coleen.’ Deadma lang, until like six months or a year later. ‘Why Eruption? Anong nangyari?’ I really said, ‘Reformat. Reformat and di na nila kami kailangan.’”

ADVERTISEMENT - CONTINUE READING BELOW ↓

Hindi naman daw ito lubos dinamdam ni Eric dahil sa naramdaman niya matapos magdasal nang sabihan siyang hindi na kailangan ang serbisyo niya sa show.

“The prayer helped. It strengthened me, ‘You can do this, Eric,’ something was telling me, ‘You’re Eruption. You can handle this. Spread your wings and fly.’”

WORK CAME TO ERIC

Pagkatapos ng meeting, napaisip daw si Eric kung ano ang gagawin niya dahil nawalan siya ng trabaho.

Nang pumasok at lumabas siya sa elevator, nagdasal daw siya at ipinasa-Diyos na lamang ang lahat.

“For some reason, when I was driving home pa lang, I had this sense of everything’s going to be okay,” pagpapatuloy ni Eric.

Nag-isip siya kung paano niya ito sasabihin sa kanyang misis dahil baka maging emosyunal ito.

Bago harapin ang kanyang asawa ay muli raw nagdasal si Eric. May iba raw siyang naramdaman.

“The sense of everything is gonna be good, happiness… work is gonna pick up. And it did!”

CONTINUE READING BELOW ↓
NOOD KA MUNA!

Di nagtagal, sunud-sunod daw ang dumating na trabaho kay Eric.

“I got jobs left, right, and center. Bumalik ako sa teleserye, nag-Amazing Race kami.

“I know that I wouldn’t be able to do these things kung nasa Showtime pa ako,” katuwiran ni Eric

Dagdag niya, “So it was that time God told me, ‘You need to fly on your own, bro.’ Parang, ‘Spread your wings, Eruption. Tingnan mo kung ano ang kaya mong gawin basta andito Ako sa likod mo.’”

Kaagad daw siyang natanggap sa Amazing Race Asia Season 5 noong 2016.

Kung nasa Showtime pa raw siya, siguradong hindi siya papayagang gawin ang reality TV show na dalawang buwan niyang ginawa.

Napabilang din si Eric sa mga teleserye tulad ng La Luna Sangre (2018), Bagani (2018), at Ngayon at Kailanman (2019).

Maingay rin ang pangalan ngayon ni Eric sa social media dahil sa viral dance craze videos niya.

HOT STORIES

Read Next
PEP Live
Featured
Latest Stories
Trending in Summit Media Network

Featured Searches:

Read the Story →
Eric Tai, also known as Eruption, recalls the moment when an It's Showtime producer told him that his services are no longer needed in the show. Eric was fired on the noontime show in 2016.
PHOTO/S: YouTube (Julius Babao UNPLUGGED / ABS-CBN Entertainment)
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results