Ayaw nang palakihin ni Kim Atienza ang napabalitang isyu sa pagitan nila ni Vice Ganda.
Nag-ugat ito sa pambabara umano ni Vice sa It's Showtime co-host na si Karylle sa February 2, 2023 episode ng noontime show.
Hindi nagustuhan ng fans ni Karylle ang pananabla ni Vice, at noong araw ring iyon ay umamin si Vice na "sablay" ang inakto niya sa show.
Read: Vice Ganda apologizes to Karylle: "We are okay."
Nadawit si Kim sa isyu nang mag-like siya sa tweets ng ilang netizens na tinawag na "bully, main star diva, at laitera" si Vice.
Nag-tweet din si Kim at inilarawan si Karylle na "kind soul" na hindi magagawang magsabi ng negatibong komento sa iba.
Tila hindi ito nagustuhan ni Vice.
Kinabukasan, February 3, 2023, nagpasaring si Vice sa mga natutuwang makitang magkaaway sila ni Karylle.
Bahagi ng pahayag ni Vice: "Tapos maraming magla-like-like para involved sila.
"Yes, trending din siya. Nakuha niya yung gusto niya.
"Ikaw talaga Kuya."
Read: Vice Ganda takes a swipe at Kim Atienza for "liking" comments against It's Showtime host
Sa eksklusibong panayam ng PEP.ph (Philippine Entertainment Portal), hiningan ng reaksiyon si Kim ukol sa isyu.
"Vice and I are friends, magkaibigan kami. Misunderstood lang siguro," paglilinaw ni Kim.
"In social media, it's very easy to misunderstand a certain post and they put a lot of meaning to things that don't have meaning.
"Ano lang naman yun, parang wala lang."
Nang tanungin kung nag-usap sila ni Vice, sabi ni Kim, "Nag-usap kami, oo. Wala na yun, huwag na lang palakihin."
Nakapanayam ng PEP.ph si Kim sa mediacon para sa "A Date With Our Solmates" ng Entrasol Platinum, na ginanap sa Grand Hyatt Ballroom nung March 10, 2023.
HAPPY WITH GMA-7
Sa usaping trabaho, sinabi ni Kim na masaya siya sa kanyang career sa GMA-7.
Si Kim ay isa sa Kapamilya stars na lumipat sa GMA-7 mula nang mawalan ng prangkisa ang ABS-CBN noong 2020.
October 5, 2021 nang maging Kapuso si Kim.
Read: Kim Atienza addresses loyalty issue after leaving ABS-CBN; calls transfer to GMA-7 "perfect timing"
Labis ang pasasalamat ni Kuya Kim sa kabi-kabilang trabaho na ipinagkakatiwala sa kanya ng Kapuso Network.
Sabi niya: "GMA has kept me very busy, it's very fulfilling. I have three shows na... TiKtoClock, I have Dapat Alam Mo in GTV, and I also have 24 Oras.
"I've been in television for the past nineteen years, and the passion that I had nineteen years ago is back with GMA.
"All I want to do is be busy, e, do a lot of work, and have an audience, and share all the talents that God gave me to an audience.
"GMA offers me that platforms to be able to work and to be able to do my purpose in front of the huge audience.
Guillain-Barré Syndrome
Sa edad na 56 ay kapansin-pansin ang malusog at maliksi pa ring pangangatawan ni Kuya Kim sa kabila din ng ilang sakit na napagdaanan na niya.
"I had stroke in 2010, I had GBS in 2013, I had COVID-19. That's all things of the past for me already.
"Well, I eat plenty, but I eat quality food. I also exercise a lot. I do crossfit and weight training. I run, I swim, and bike.
"Although I don't compete anymore in triathlon, but I swim and run."
Ang tinukoy ni Kim na GBS ay Guillan-Barre Syndrome, isang rare disorder kunsaan inaatake ng immune system ang nerves.
Bukod sa pagkakaroon ng healthy lifestyle, ibinahagi ni Kim ang susi sa pag-aalaga ng sarili.
"Si Panginoon. Kailangan mo si Lord. Pero at the same time, of course, binigyan ka ng katawan na ganito, kailangang alagaan.
"The secret really is exercise, good supplement, and Entrasol Platinum."
ON MENTAL HEALTH
Nabanggit din ni Kim na ang anak niyang si Emman Atienza, 17, ay isang mental health advocate.
Nais daw ni Emman na tumulong sa kabataan kung paano mag-handle ng mental health issues.
"Napakaraming mga bata ngayon na may mga mental health issues, and the good thing about it is they don't think it as a stigma, they share it.
"My daughter started a movement called Mentality Manila, and I fully support her with it.
"She's helping other kids that are undergoing a lot of mental stresses, mental sicknesses for wellness."
More hot stories on PEP.ph: