Pinasok na ng Sonshine Media Network International (SMNI) ang pagpapalabas ng Tagalog-dubbed Chinese drama series, at una na rito ang Papa, Nasa'n Ka?
Ang SMNI ang TV network na pagmamay-ari ng Kingdom of Jesus Christ (KOJC), isang religious organization na pinamumunuan ni Pastor Apollo Quiboloy.
Ang Papa Nasa'n Ka Na?, na may English title na The End of The World, ay isang Chinese drama na umere noong 2010.
Kuwento ito ng dalawang magkapatid na hinahanap ang kanilang tunay na ama, at ginampanan ng noo'y child stars na sina Lu Ziyi at Sun Tianyu.
Ipalalabas ang serye simula March 21, 2023, weeknights, 8:00 p.m., sa ilalim ng production outfit na Regent Foods, na may blocktime agreement sa SMNI.
ON REGENT FOODS WHICH PRODUCES PAPA NASA'N KA?
Ang Regent Foods Corporation, isang snack food manufacturer na pinamumunuan ni Ricky See, ang independent production outfit na siyang nagdala ng Papa, Nasa'n Ka? sa SMNI.
Dumalo sa pocket presscon para sa serye ang representative ng Regent Foods na si Jimmy Ocampo, na sumagot sa tanong ng awtor na ito kung paano napili ang kanilang kompanya para maging blocktimer producer sa SMNI.
Paliwanag ni Ocampo, "Ang gusto ni Mr. See, gumawa ng blocktimer, tayo po ang lumapit sa SMNI at napag-usapan po namin kung ano ang puwede.
"Actually, before that, we have our cartoon show, ang Kingdom Force sa SMNI.
"At pagkatapos nga ng Kingdom Force, napag-isipan namin na ito naman, teleserye.
"And from other networks, ang uso, Korean. So, para maiba naman, ito naman [Chinese drama series] ang tatak ng SMNI.”
May naka-lineup na rin daw na iba pang Chinese drama na ipalalabas din sa SMNI.
Nang tanungin kung bakit Martes ng gabi, March 21, ang pilot airing ng Papa Nasa'n Ka?, sinabi ni Icampo na "significant" sa Regent Foods ang numerong "21" dahil November 21, 2022 ang araw nang nag-pilot ang Kingdom Force.
ON SMNI AIRING DRAMA TV SHOWS
Dumalo rin sa pocket presscon ang representative ng SMNI na si Hannah Jane Sancho.
Sinabi nito kung bakit ang SMNI, na mas kilalang news channel, ay may teleserye na ring ipalalabas.
"It’s a news channel, and at the same time, religious po ang SMNI.
"At isa rin sa dahilan kung bakit pumayag ang SMNI, family-oriented po ang drama na ito.
"So, we also want to give our viewers another alternative po. So, malapit sa amin po...
"Yung values na itinuturo rin, gusto rin naming ma-promote through this drama po.”
Nilinaw ng SMNI na hindi exclusive sa Chinese drama ang tatanggapin nilang blocktimer ng teleserye, nagkataon lang daw talaga na isang Chinese drama ang unang mapapanood sa SMNI.
Makakatapat ng Papa Nasa'n Ka? ang Mga Lihim Ni Urduja ng GMA-7 at FPJ's Ang Batang Quiapo ng ABS-CBN na umeere sa TV5 at A2Z.
Ayon kay Sancho, hindi isyu sa SMNI ang kumpetisyon.
"Kasi, never kaming nakipag-compete. From our programs, news, to our presidential debates, never naming inisip ang competition.
"Ang gusto talaga ni Pastor Apollo Quiboloy, yung mandate niya sa amin, we want to produce excellent shows.
"Hindi namin iniisip na makipag-compete sa ibang networks. Ang gusto namin, may iba kaming naipi-present.”
Dagdag ni Sancho, malaki raw ang posibilidad na mag-produce ang istasyon ng sariling teleserye.
Mayroon din daw homegrown talents ang SMNI, at ang mga ito ay kaanib ng Kingdom of Jesus Christ.
Ang kumanta ng theme song ng Papa Nasa’n Ka? na “Nasa’n Ka?” ay nagngangalang Chariza.
ON CONTROVERSIES INVOLVING PASTOR QUIBOLOY
Sa pagpapatuloy ng panayam kay Sancho, tinanong ng awtor na ito kung ano ang reaksiyon nito sa pagiging kontrobersiyal ng Kingdom of Jesus Christ sa pamumuno ni Apollo Quiboloy.
Si Quiboloy, na kinikilala ng KOJC bilang "Appointed Son of God," ay kabilang sa mga indibiwal na idineklarang "Wanted" ng U.S. Federal Bureau of Investigation (FBI).
Sa inilathalang litrato ni Quiboloy sa FBI website, noong February 2022, nakasaad na ito ay nahaharap sa mga sumusunod na kaso: "conspiracy to engage in sex trafficking by force, fraud and coercion, and sex trafficking of children; sex trafficking by force, fraud and coercion; conspiracy; bulk cash smuggling.”
Mabigat ang akusasyon kay Quiboloy: ang pagkuha umano sa serbisyo ng mga menor de edad para maglingkod bilang mga personal assistant o "pastoral," na pinipilit at inuutusan niyang makipagtalik sa kanya kapag "night duty."
Read: Apollo Quiboloy, 2 others now wanted by FBI
Read: US Treasury sanctions Pastor Apollo Quiboloy over human rights abuse; DOJ still mum on the issue
Noong December 2022, nagpataw ng sanction ang U.S. Treasury Department na i-freeze ang mga property nito sa U.S. at hindi ito pinahihintulutang makapasok sa U.S.
Sagot ni Sancho: "We take it as it is. What you see is what you get. Lahat naman kasi yung controversy, hinaharap namin. Wala naman kaming tinatakasan dun sa mga controversy na yon.
"But all we can say, hindi naman lahat ng nakikita at napapanood ay totoo.
"Kaya nga masuwerte si Pastor kasi may sarili siyang network where he can explain his side na natu-twist ang information.
"We have television and radio networks. We really report. Hindi lang sa side ni Pastor, but also sa government.
"We are for nation building. People can see and compare kung ano ang mga information na makikita niyo coming from other network and yung report na factual talaga na sinasabi namin.”
Nang tanungin kung tingin niya ay "misunderstood’ ang KOJC bilang organisasyon, sagot ni Sancho, "It’s not misunderstood, can I say na sinisiraan."
Ano ang masasabi niya sa tingin ng iba na ang KOJC ay isang "cult religion"?
“Well, it’s not for us to explain who we really are, who is Pastor Apollo Quiboloy.
"People get curious, bakit sinisiraan si Pastor? Ano ba meron kay Pastor?
"We can explain and nae-enlighten ang mga tao na, 'A, kaya pala.'"
More stories on PEP.ph:
- Dalawang weekly programs, nanganganib magpaalam sa ere
- 9 celebrity women, sleeping beauties all
- Pokwang on visitation rights of ex-partner Lee O’Brian to their daughter: “Ayoko po, nope!”
- Mga anak ni Rudy Fernandez, nag-react sa nagpakilalang kapatid ng kanilang yumaong ama
- Gerald Anderson says Julia Barretto will be his last: “Siya talaga.”