Malaman ang pinakawalang mga salita ni Marco Gumabao, 28, tungkol sa estado ng relasyon nila ni Cristine Reyes, 34.
Parehong nasa pangangalaga ng Viva Artists Agency ang dalawa.
Humarap si Marco sa press, kabilang ang PEP.ph (Philippine Entertainment Portal), sa launch ng bago nitong TV serye, ang Kurdapya, kasama si Yassi Pressman.
Ginanap ang interbyu sa Botejyu restaurant sa Estancia Mall, noong March 22, 2023.
Diretsahang tinanong dito si Marco kung nobya na ba niya si Cristine.
"Basta, you’ll find out when the time is right," nakangiting sagot ni Marco.
Nais lang daw nilang maging pribado ni Cristine sa ngayon.
Sabay paliwanag niya, "Hindi rin naman sa hindi pa right time, pero siguro we’re just enjoying yung time namin na kami muna, wala munang nakikialam, nakiki-usyoso.
"Kasi, the reason why I’m very private when it comes to love life is because kapag nalaman ng tao na, for example, you’re dating this woman, maraming makikigulo.
"Maraming eepal, maraming maninira. Yun ang ayoko.
"And at the same time, happy naman kami sa tahimik na buhay."
Binigyan-diin din ni Marco na wala silang idine-deny ni Cristine sa pagkakamabutihan nila.
"Yeah, hindi naman kami nagde-deny ni Cristine. Of course, napag-usapan na rin namin to, we’re not denying anything.
"Unang-una, wala naman kaming tinatapakan. We’re both single.
"So parang mas masarap na private lang, walang nakiki-usyoso.”
MARCO CONFIRMS SIGHTING WITH CRISTINE IN MAKATI
Noon ding March 22, ilang oras bago nakapanayam si Marco, naiulat sa PEP.ph na namataan sila ni Cristine na magka-holding hands sa isang mall sa Makati.
READ: Marco Gumabao, Cristine Reyes spotted holding hands in Makati
Kinumpirma ito ni Marco.
Ayon kay Marco, wala silang intensiyon ni Cristine na ilihim ano mang galaw nila.
"Kami siguro ni Cristine, kaya siguro nagki-click kami, kasi, outside of work, outside of the camera, we’re just two normal people.
"We enjoy going out, eating out. Going to public places, going to the mall.
"Hindi kami nagtatago yung nagma-mask at naka-shades sa mall.
"Kumbaga, if you will see us, then, people see us. Hindi kami nagtatago, and we’re not also... hindi naman namin binabalandra."
marco gumabao and cristine reyes no label for now
Kapag tinatanong sila ni Cristine dati sa totoong estado ng relasyon nila, ang sagot nila, "friends" lang sila.
Ngayon ba, hindi na lang as friends?
Natawa si Marco sa patuloy na panghuhuli ng press.
Sagot niya, "Well, we started off as friends. Sa SOCO nga in ABS-CBN, naka-trabaho ko pa siya.
"So, na-form yung friendship namin and of course, what we have now is special, I can say.
"Ayoko munang magsabi ng mga label-label na ganyan."
Natawa na lang ang binata nang biruin na ang label nila ni Cristine, "holding-hands while walking."
Paglilinaw niya, "Hindi naman. For me, yung label, it puts a lot of pressure to your relationship.
"Basta kaming dalawa, happy kami. We’re not seeing other people also.
"Mas pressure kasi ang mga kids nowadays with the labels."
MARCO SAYS CRISTINE IS "WIFE MATERIAL"
Tinanong din namin si Marco kung ano ang mga katangian ni Cristine na nagugustuhan niya rito.
Aniya, "Ang nagugustuhan ko sa kanya, first of all, she’s very wife material. Sobrang bait niya. Wala siyang arte."
Naalala rin daw ni Marco si Cristine sa karakter ni Yassi na may dalawang katauhan sa Kurdapya.
Kung si Marco raw ay papipiliin, mas gusto niya iyong karakter ni Yassi na "babaeng walang hassle, hindi pa-diva, at yung masayang kasama kahit saan."
Ganoon daw ang tingin ni Marco kay Cristine.
"And si Cristine, very loving, very caring," pag-amin pa niya.
Wala raw kaso kay Marco ang pagiging single mom ni Cristine. Tanggap daw niya ito.
"Of course. I mean, she’s not the first woman naman to be a single parent and wala rin namang masama," saad ng binata.
More hot stories on PEP.ph:
- Dalawang weekly programs, nanganganib magpaalam sa ere
- Yassi Pressman confirms James Reid and Issa Pressman's relationship
- Meet Eat Bulaga! owner Romeo Jalosjos: The power that can shake up Philippine TV
- PEP Scoop: Tropang LOL, magpapaalam na sa ere sa April 29 — sources
- Marco Sison mourns passing of grandson Andrei Sison