Tatlumpung taon nang kasal ang Star For All Seasons na si Vilma Santos, 69, sa kanyang mister na si Batangas Representative Ralph Recto, 59.
Pero may isang bagay na napanatiling misteryo ni Vilma sa kanyang asawa.
Ibinahagi ito ni Vilma nang tanungin ng PEP.ph (Philippine Entertainment Portal) kung paano napapanatili ang kilig sa kanyang marriage.
Nakangiting sagot ni Vilma: "Sa eksperyensiya ko, don't give your all. Palagay ko kailangan may misteryo pa rin.
"You really have to make your relationship exciting.
"May mga pinaniniwalaan ako nung araw, and it's working kaya tumatagal yung relationship.
"I believe mag-iwan ka ng konting mystery. Wag naman porke asawa mo na you give your all, kahit ano na hitsura mo, of course not."
Nagbigay pa ng tips si Vilma para sa mga misis.
"You still have to take care of yourself. Meron ka pa rin kailangang itago para sa sarili mo. Respeto mo na yun sa sarili mo.
"At the same time, pag may respeto ka sa sarili mo, mas mararamdaman yun ng partner mo. Love each other.
"I guess, sa akin misteryo and respect. Once the respect is there, everything follows."
Nang humingi ng sampol ang PEP.ph kung ano ang sinasabi niyang "misteryo," napangiting nagpaunlak uli ang respetadong actress-politician.
"Okay, sige, gusto mo sample. As much as possible, di kayo sabay nagpupunta sa banyo.
"You don't expose yourself sa hindi magandang hitsura. It should be a private thing.
"Kahit na sabihin mong asawa mo na siya, you don't expose yourself like that. So, iwan mo sa iyo. You know what I mean? That's one perfect example.
"Ayoko ng nasa banyo kayo nagkikita kayo nang hindi magandang tingnan, ayoko nun."
May private time pa rin daw siya sa sarili.
"Yes, mag-iwan ka ng konting misteryo and privacy sa buhay mo. Hindi porke asawa mo, you'll feel comfortable. No, hindi ko kinasanayan yun."
NEVER STOP DOING ROMANTIC GESTURES
Nakapanayam ng PEP.ph si Vilma sa mediacon ng When I Met You In Tokyo, ang reunion movie nila ni Christopher de Leon.
Ginanap ang mediacon sa Yawagari restaurant, sa Hotel Okura Manila, Newport World Resorts sa Pasay City, noong March 30, 2023.
Nang si Christopher ang tanungin, sinabi niyang kailangan maging romantiko pa rin ang couple "kahit na may edad ka na."
Si Christopher ay magpu-forty-three years nang kasal sa misis na si Sandy Andolong.
"Yung being romantic has to be there always. Kahit na may edad ka na.
"Every so often you give her flowers, every so often you go out on a date.
"Hindi naman kayo magde-date, and uupo kayo or kakain sa labas, tas di kayo nag-uusap."
May dagdag na tips din si Christopher.
"You also have to be funny. You also have to be creative in your being romantic.
"You have to be exciting and adventurous at the same time. You have to have a similar wants and likes. You would travel the world together.
"Those are the stuff that makes it all solid," paliwanag ng aktor.
VILMA AS A "PASSIONATE" PARTNER
Sa huli ay may inihirit pa si Vilma.
"If I may, huwag ka maging stagnant," payo ni Vilma.
Sabay dagdag ni Vilma, siya ang tipo ng passionate na partner kay Congressman Ralph.
"Scorpio is the most passionate among the Zodiac signs," saad ni Vilma na ipinanganak noong November 3, 1953.
More hot stories on PEP.ph: