Ika-33 pagtatanghal ng senakulong Kalbaryo ni Kristo sa Abril 7, 2023, Biyernes Santo, 8:30 a.m. hanggang 3:00 p.m., sa St. Joseph Parish, Brgy. Tambo, Parañaque City.
Ang direktor ng senakulo ay si Darryl Dimaano. Tampok dito si John Phillip Calderon bilang Jesus Christ, at si Abby Viduya bilang Virgin Mary.
Read: Abby Viduya explains why she's playing Virgin Mary, not Mary Magdalene, in her first Senakulo
Abby Viduya with John Phillip Calderon (left) and director Darryl Dimaano (right)
“We started actually 1988 pa ho,” salaysay ni Direk Darryl sa Philippine Entertainment Portal (PEP.ph) matapos ang rehearsal ng senakulo noong Marso 28, Martes.
“Ang una naming direktor ay si Direk Ben Vasquez. Siya po yung dating direktor ng That’s Entertainment.
“Ang history po nun is yung anak niya ay na-assign dito as a seminarian. Unfortunately nakapag-asawa rin dito, di ganun po.
“Ahhh… so we’ve been doing it since college days. And most of the original cast, God willing, dadalawa na lang o tatlo kaming naiwan dito.
“All migrated if not in Canada, in the States. So taun-taon, nandiyan din po sila to support this project. Sabi nila, ituluy-tuloy.”
Financial help or what?
“All kinds of help. Financial, if we need. And luckily naman po, kahit hindi kami humingi, dumarating ang tulong. Bukas-loob na ibinibigay sa amin.”
CELEBRITIES FEATURED IN SENAKULO
Bago si Abby Viduya, gumanap na ring Virgin Mary sa previous performances ng Kalbaryo ni Kristo ang mga dating konsehal ng Parañaque na sina Alma Moreno at Roselle Nava, pati si Jenn Quizon.
Alma Moreno
Roselle Nava
“Si Jomari, hindi pa siya konsehal, talagang nag-participate na siya sa amin as Pontius Pilate,” lahad ni Direk Darryl.
Jomari Yllana
“And Vandolph as yung head ng mga soldiers. Nag-kapitan po si Vandolph.
Vandolph Quizon and Jen Quizon
“Even si Jason Webb — alam naman nating hindi umaarte — he also acted as Pontius Pilate noong panahon na councilor pa siya.”
Jason Webb
Kumusta si Abby bilang Virgin Mary?
“Pagkuha po namin sa kanya, madali po. Madali po yung pagde-deliver niya. Why?” pahayag ni Direk Darryl.
“Because she wholeheartedly wants to be part of this Kalbaryo. Hindi po yung… ‘Ma’am, sali ka.’ No. Siya po mismo ang willing sumali sa Kalbaryo.
“And we’ve been talking with Abby since last year pa. ‘Sali ako, ha?’ Kaya hindi po mahirap na kumbinsihin siya na ito ang role niya, at kung paano ang papel niya.
“Nasa puso niya na gusto niya talaga gampanan ang role na ito.”
Meron bang talent fee or honorarium ang celebrities na kalahok sa senakulo?
“Wala po! Kahit po ako, wala po! Wala po!” bulalas ni Direk Darryl.
FEATURED IN MAGAZINES
1996 o 1997 nag-take over si Darryl bilang direktor ng Kalbaryo ni Kristo, matapos pumanaw si Direk Ben. Kaga-graduate lang noon ni Darryl sa kolehiyo, at taun-taon ay siya na ang nagdirek ng palabas tuwing Biyernes Santo sa St. Joseph parish ng Parañaque City.
Naging tambulan ng isang photo shoot contest ng Fuji film ang kanilang palabas.
Paggunita ni Direk Darryl, “I remember that was ‘90s. We were just walking around Glorietta when one of the centurions na nag-act noon, pagkita niya sa gitna, ‘Uy! Mukha ko! Bakit nandito?!’
“Nagulat. Ahh… iyong Kristo namin na nag-start na 19 years old siya, he was even featured in Liwayway magazine.
“Even iyong Mabuhay magazine ng PAL, Philippine Airline, naging centerfold po kami ng magasin nila noon…
“Hindi lang po kami sa Tambo nag-perform. Nag-perform na po kami sa Indang, Cavite. Imus, Cavite. Even Muntinlupa Loob. Caloocan. We were invited.
“Ibang araw po iyon, either Holy Wednesday or Holy Thursday. Pag Good Friday po, basta Tambo kami.
“Hanggang Tomas Morato, nag-perform kami. Ako pa ang Hudas noon. In front of alam niyo naman, stage actress din, in front of Tessie Tomas.”
KALBARYO NI KRISTO IN BRGY. TAMBO
Usually ay 9:00 a.m. nag-uumpisa ang pagtatanghal ng Kalbaryo ni Kristo sa lansangan ng Brgy. Tambo.
“We must finish before 3:00 o’clock,” saad ni Direk Darryl. Dire-diretso ba iyon o may pahinga? Considering na ang init-init pa naman, matinding pahirap talaga iyon sa gumaganap na Kristo.
“Meron hong pahinga. In one of the Stations, The Last Fall before The Crucifixion, biglang singit si Hudas,” paliwanag ni Direk Darryl.
“Isosoli niya ang pera, magsisisi siya. At magbibigti po siya. Sa pagbibigti niya, the monologue will take… kasi, three pages na monologue po yon…
“It will take around 45 minutes to one hour. Nakapahinga si Kristo.
“Ako po ang original Hudas. At pag sinabi ng direktor na habaan ko, wala akong magagawa. Mag-iisip ako kung saan ako huhugot para humaba yung ano.”
TAKING A BREAK BECAUSE OF PANDEMIC
Noong 2020 ay naudlot ang pagpapalabas ng senakulo dahil sa paglaganap ng pandemya. Ngayong 2023 ang pagtatanghal muli ng Kalbaryo ni Kristo.
Kuwento ni Direk Darryl, “Tatlong taon kaming natigil because of the pandemic… Three days before the community quarantine, we were all here.
“Ang ginawa po ng aming parish priest, si Fr. Kevin Crisostomo, pumunta na lang siya dito sa praktis.
“And he blessed us all, ‘Hindi niyo kasalanang hindi matuloy.’ Some of the cast talaga po were crying. “
The priest said, ‘It’s not your fault na hindi matutuloy. Wala kayong magagawa. Wala tayong magagawa.’”
Paano nag-evolve ang pagtatanghal nila ng senakulong Kalbaryo ni Kristo sa paglipas ng panahon?
Napangiti si Direk Darryl, “Dati po, ang Women of Jerusalem, dalawa, tatlo. Ngayon po, sampu. OK?
“Dati po, ang Veronica, mag-isa lang siya. Ngayon, may kasama na siya.
“Dati, malalaki ang gumaganap na alipin. But because of the kids’ eagerness to join, nagsama po kami ng mga bata bilang slaves.
“Iyon bang pagmulat sa kanila hindi lamang sa ganitong gawain kundi sa kung ano ang nangyari kay Kristo, e, maimulat sa murang edad pa lang nila, ay magawa na po.”
NOT FOR FINANCIAL GAIN
Pinagkakakitaan ba niya ang Kalbaryo ni Kristo, lalo pa kung malaking financial support ang nalilikom nila sa mga nagdo-donate?
Mabilis na tugon ni Direk Darryl, “Hindi po. Even I don’t want to hold the money. Ibinibigay ko sa isang kagawad namin. ‘Kayo po ang mag-distribute nito.’
“Wala pong may intensiyon na kumita. Kaya nga in fact, during this year, when the guys from abroad, mga barkada, mga kasali dito… tinanong ako, ‘Can we help?’
“Tumutulong po sila. Ang sabi ko dun sa mga nasa States, ‘Huwag muna ngayon. May nagbigay na.’ Hindi namin kailangan ang sobra-sobrang pera.
“Ang pinaka… siguro po, masasabi kong gantimpala ng mga tao, o pinaka-fee nila is, after this… after a few weeks, we’re gonna have our own outing.
“Lalabas lang po, magsasama-sama, magba-bonding. After that, magkita-kita na ulit tayo next year.”