Pinakaunang stageplay ni Anthony Rosaldo ang Ang Huling El Bimbo na mapapanood ngayong Abril sa Newport Performing Arts Theater sa Newport World Resorts.
Kaya tinanong ng PEP.ph (Philippine Entertainment Portal) si Anthony, kung hindi ba siya ninenerbyos na sumalang sa isang pagtatanghal na walang cut o take two.
“Iyon nga po, gaya po ng nabanggit niyo po, sa TV, sa movies, meron tayong take 1, take 2, dito po sa theater kailangan po talagang disiplinado ka," pagsang-ayon ni Anthony.
“So yung experience ko po being a newbie sa teatro, talagang all new sa akin. There’s this culture sa teatro na hindi ko po alam at marami po akong natutunan.
“There are terms also sa theater na hindi ko alam, so para po akong nagwu-workshop every day kapag may one-on-one po ako with our mentor, Ms. Menchu Yulo and Sir Dex.”
Ang Sir Dex na tinutukoy ni Anthony ay si Dexter Santos, ang direktor ng Ang Huling El Bimbo musical play.
Nakausap ng PEP.ph si Anthony via Zoom nitong Martes, April 4, 2023, sa ipinatawag na mediacon ng GMA Network at Sparkle.
“Nakakakaba as in,” pagpapatuloy pa ni Anthony. “Iba kasi kapag nagre-rehearse po kami. There are days na we do scene works. So after every scene puwedeng magbigay ng comment, also pag mali you can redo it.
“Pero there are days that we do the full run of the show. So nakakapagod po siya and also it challenges my brain!
“Lahat po ng memories ko kailangan on point po. You have to remember always your lines, your cues.
"Also meron pang music and hindi lang po ito musical, may sayaw pa po. Ang dami pong aspects na kailangan mong maging focused ka.
“So every day po talagang kailangan emotionally, spiritually, always pray to the Lord God na i-guide niya po ako kasi iba po talaga yung teatro.
“As in this is so far the biggest challenge and talagang napakalaking pagsubok talaga na ginawa ko sa showbiz career ko po,” lahad pa ni Anthony.
SONG AND DANCE CHALLENGE
Nabanggit ni Anthony na may mga dance sequences siya sa play, challenge ba sa kanya na sumayaw habang kumakanta?
“Challenge din po kasi within the musical po kasi maraming scene po 'tapos bilang ako po si Hector Samala, isa po ako sa lead, so konti lang po yung time ko to breathe.
“Talagang dire-diretso po yung scenes ko, magkakatuhog po.
“So yung sayaw po talagang nakaka-challenge po, hingal na hingal po talaga ako kasi dire-diretso po siya!
"After kong sumayaw konting scene 'tapos sasayaw na naman. So parang talagang yung stamina ko kailangan ko pong palakasin.
“And also I have to always be physically fit kasi mahirap nga pong talaga.
“It’s a challenge to dance, and sing, and act at the same time.”
CRAZY OFFER FOR A DINNER DATE
At dahil nga physically fit si Anthony, biniro namin siya na mas lalong darami ang post niya ng shirtless na mga litrato niya sa kanyang Instagram account.
“Tama,” at tumawa ang The Clash Season 1 grand finalist. “Nag-start na nga kasi ano, e... Alam niyo, I lost weight, like parang three kilos po yung nabawas sa akin dahil kaka-rehearse lang po.
“And good thing naman, gusto ko naman po yung pumayat nang konti. So maganda rin po na naging araw-araw yung rehearsal kasi napraktis po ako at the same time po nakuha ko po yung physical aesthetic na gusto ko.”
At dahil may mga hubad na larawan si Anthony sa kanyang IG account, tinanong namin siya kung may mga “nagpaparamdam o nanliligaw” sa kanya.
At nakuha naman ni Anthony kung ano ang nais naming tukuyin.
“Daming nagpaparamdam, as in! Lalo po sa mga filtered messages. Pero ako, always grateful po ako, e. If there’s one na talagang nakaka-appreciate, I will say thank you.
“And I don’t actually get offended sa mga indecent proposals o ganyan, mga ligaw, kasi for me ano po yan e, parang talagang, nag-appreciate lang naman sila in their own way po.
“Kaya ako po I also respect kung anuman ang opinyon nila be it pangit o maganda, it’s still a compliment po para sa akin.”
Tinanong na rin namin si Anthony kung ano na ang pinakabongga na offer na medyo nawindang o nagulat siya.
“Windang po? Ang dami po kasi, pero yung recent po like parang ano lang, dinner daw po, fifty thousand [pesos], dinner!”
Hindi raw binubuksan ni Anthony ang mga ganoong message.
“Nakikita ko lang,” sinabi pa ni Anthony.
Mapapanood ang Ang Huling El Bimbo musical play simula sa April 21. Mapapanood ito tuwing Biyernes at Sabado tuwing alas-otso ng gabi at may matinee performances naman tuwing Sabado at Linggo alas-tres ng hapon.