Tinanong ang dating Hashtags member na si Jameson Blake kung nakaranas siya ng power-tripping o bullying noong nagsisimula siyang mag-artista.
Kaugnay ito ng pagtatapat ni Wilbert Ross, dating kasamahan niya sa Hashtags, na nakaranas ito ng "power-tripping" ng isang boss noon sa Kapamilya noontime show na It's Showtime.
Nilinaw naman ni Wilbert na nagkausap at nagkaayos na sila ng dati niyang boss na iyon.
Read: Wilbert Ross claims he's the victim of a power-tripping boss of It's Showtime
Sabi ni Jameson, "So far, wala naman akong experience na power-tripping or bullying by any bosses naman.
"Siguro I would say they were just trying to motivate me na lang.
"Of course, they want to bring out the potential in me so I don't think it's bullying, I think it's more of they motivate me.
"To answer your question, bullying, parang wala pa akong nae-experience na ganyan sa mga bosses."
Wala raw ideya si Jameson sa pinagdaanan noon ni Wilbert.
"I cannot recall. Me and Wilbert kasi, we're good friends, but he doesn't open up a lot.
"I'm not sure who is he talking about, pero I can remember, yeah, he was really through something, but I don't know who it was.
"He was just being bothered sometimes and he would feel down.
"I would also say he was also a quiet person when it comes to that. Depende rin kung sino ang kausap niya and who he opened up to.
"Actually, I don't know."
Nakapanayam ng PEP.ph (Philippine Entertainment Portal) si Jameson sa "Sa Mga Bagong Bida" campaign launch ng Kuya J restaurant, na ginanap sa Kuya J sa Eastwood, Quezon City, noong March 27, 2023.
ON MCLISSE AND BEING SINGLE
Inusisa rin si Jameson tungkol sa pagkakaugnay niya noon kay Elisse Joson, na ngayon ay pamilyado na.
Nagsasama si Elisse at partner nitong si McCoy de Leon, na dati ring Hashtags member. Mayroon nang isang anak sina McCoy at Elisse.
Para kay Jameson, noon pa man ay ramdam niyang itinakda sina McCoy at Elisse sa isa't isa.
Saad niya, "Hindi naman ako nagulat coz I moved on from what happened.
"I've been focusing on other things, so when I heard about it, I'm actually happy for them naman.
"I would say that na bagay sila, I just hope na they keep things strong and smooth for both of them."
Sa ngayon ay wala raw nililigawan o girlfriend si Jameson.
"Right now, I'm not dating anyone. I'm not seeing anyone at the moment.
"I don't think that the timing is right for me right now. I believe I need to focus on more important things.
"Especially I'm with my mom, it's just me and my mom sa bahay. Taking care of her, yung ibang family members din, just focusing on my work."
Gusto raw ni Jameson na non-showbiz girlfriend kung sakali.
"The only beneficial part pag non-showbiz, kasi more privacy, but for me it doesn't really matter.
"Pero I would probably prefer non-showbiz. That's my preference, pero siyempre sometimes din hindi mo masasabi na you meet someone, you vibe very well, you guys get along and you guys connect.
"I don't think the label of showbiz or non-showbiz will be a big factor to that."
WHAT KEEPS JAMESON BUSY
Huling napanood sa teleseryeng A Family Affair sa Kapamilya Network, chill lang si Jameson ngayon.
"Right now, medyo rest muna, kasi last year katatapos ko lang din back-to-back teleserye, Viral Scandal and A Family Affair.
"So right now, I'm just resting and focusing on myself, working out more, and finding new hobbies."
Hindi naman siya ni-require ng ABS-CBN management na magpalaki ng katawan, pero pagwu-workout daw ang inaatupag niya ngayong wala pang taping.
"In general din and mga bosses din, they keep telling me, and I also thought to myself na maybe they will give me roles talaga if siguro pag mas matured and katawan ko.
"That's what I'm doing right now, just focus on myself."
Ano ang nakalinyang next project niya?
Sagot ni Jameson, "I'm actually gonna do a movie soon under Direk Joel Lamangan. It will be my first time working with him.
"Kinakabahan, but I'm excited at the same time. He's a very well-known director. I'm really looking forward to do it."
MORE HOT STORIES ON PEP.PH