Hindi raw natitigatig si Tim Connor sa kontrobersiyal na awayan ng estranged couple na sina Maggie Wilson at Victor Consunji.
Sa kanyang Instagram Story kahapon, April 18, 2022, naglabas ng saloobin si Tim sa isyu.
May isa kasing netizen ang nagtanong kung bakit madalas ay kalmado lang si Tim sa kabila ng "craziness" na nagaganap sa paligid nito.
Hindi nagpatumpik-tumpik na sagot ni Tim: "If you are referring to the Victor and Maggie Drama?
"The irony of it is that I actually feel sorry for him and although many might feel that I should be angry or upset I am not!
"I just think he needs some sensible people around him that are looking out for his best interests and not their own..."
Nagpahiwatig din si Tim tungkol sa sitwasyon ni Maggie na nawalay sa anak na si Connor.
Si Connor ang 11-year-old son nina Maggie at Victor.
"Speaking from my own bad experiences. Ego and thinking you are powerful can really put you in a bad place.
"If I had a beautiful healthy young son and daughter I would be cherishing these moments (and letting the mother)... and not playing games I will regret in the future," saad ni Tim.
Noong April 17, una nang nag-post si Maggie ng hinaing niya na hanggang sa kasalukuyan ay hinaharangan daw siya pagdating sa anak na si Connor.
Ayon kay Maggie, dinidinig pa rin ang kasong adultery na isinampa laban sa kanya ni Victor.
Kaya raw malabo mangyari ang suhestiyon sa caption ng isang online news report na baka matuldukan na ang alitan nina Maggie at Victor matapos ilabas ni Victor ang litrato nito kasama si Rachel Carrasco at isang newborn baby.
Read: Maggie Wilson reacts to photo of estranged husband Victor Consunji with Rachel Carrasco and a baby
Sa official statement na natanggap ng PEP.ph (Philippine Entertainment Portal) noong February 10, tinawag ni Victor na "fugitive" si Maggie.
Sinabi ni Victor na may tatlong arrest warrant laban kay Maggie para sa kasong adultery at 16 na arrest warrant para sa cyber libel.
Hindi raw hahayaan ni Victor na masira ang kapayapaan ng anak at iba pang mahal sa buhay dahil sa "trial by publicity" dala ng social media posts ni Maggie laban sa kanya.
Read: Victor Consunji breaks silence on trusted employee who allegedly stole money from his company
Bukas ang PEP.ph sa anumang pahayag ng mga personalidad na nabanggit sa artikulong ito.