Ayaw munang magbigay ng mahabang pahayag ang kampo ng Pambansang Kamao na si Manny Pacquiao ukol sa desisyon ng California jury na pumabor sa Paradigm Sports Management.
Kaugnay ito ng breach of contract na isinampa ng Paradigm laban sa Filipino boxer.
Hindi pa raw kasi pinal ang desisyon ng korte at magkakaroon pa sila ng hearing sa Hunyo para sa civil lawsuit na kinahaharap ng dating senador.
Sa ulat ng ABS-CBN News ngayong Huwebes, May 4, 2023, sinabi ng legal counsel ni Pacquiao sa Amerika na si Atty. Jason Aniel na may legal issues pang reresolbahin ang korte kaugnay sa kaso.
Aniya, “A judgment has not yet been entered. The court has scheduled a hearing in June and there are still legal issues that need to be addressed by the court before the case is fully resolved.
"We look forward to the final decision by the court.”
Sa nasabi ring pahayag, sinabi ni Manny na hindi pa siya makakapagkomento hanggang hindi pa nailalabas ang pinal na desisyon ng korte.
Samantala, naglabas naman ng pahayag ang Paradigm Sports sa pamamagitan ng may-ari nitong si Audi Attar.
Ayon dito, malinaw na nagsinungaling si Manny kaugnay sa kanilang reklamong hindi nito pagsauli ng cash advance na $2M, o lagpas sa P100M, at pagtupad sa kontrata nito sa kanila.
Saad niya, "We are elated to learn of the jury's ruling in Paradigm's favor in our suit against Manny Pacquiao.
"The jury plainly found that Pacquiao testified falsely in denying Paradigm’s claims against him, and his excuses for his conduct proves our case that a breach of contract was committed.
"Hopefully, Manny will have learned a lesson from the verdict and will henceforth act with the honesty and integrity that was so lacking in his treatment of Paradigm."
Kahapon, May 3, lumabas ang resulta ng botohan ng California jury na 9-3, pabor sa Paradigm.
Inutusan din ng hukuman si Manny na ibalik ang nakuha nitong $3.3M sa kumpanya at magbayad ng karagdagang $1.8M para sa damages.
Suma-total, $5.1M o mahigit sa P280M ang kailangang bayaran ni Manny.
Read: Manny Pacquiao loses in civil lawsuit vs. Paradigm Sports; jury orders Pinoy boxer to pay $5.1M
October 2021, ibinunyag ng dating matalik na kaibigan ni Manny na na si Jayke Joson na tinakbuhan umano sila nito kahit na nakapagbigay na ng cash advance ang Paradigm Sports sa mambabatas ng halagang $2M, o lagpas P100M, para sana sa laban nito kay Conor McGregor sa Las Vegas, Nevada.
Pero hindi natuloy ang Pacquiao-McGregor match.
Read: Pambansang Anino Jayke Joson reveals falling-out with Senator Manny Pacquiao over money
Bago pa nito, sa isang panayam ni Jayke, inakusahan niya si Pacquiao na tinakbuhan umano siya at si Arnold Vegafria ng halos P65M mula sa kanilang sariling bulsa.
Si Vegafria ang business manager ni Manny at national director ng Miss World Philippines Organization.
Ayon kay Jayke, bukod sa P100M mula sa Paradigm Sports, nakalikom sila ni Arnold ng halos P65M at ibinigay nila ito sa kay Pacquiao.
Read: Jayke Joson willing to forgive Manny Pacquiao "but you have to face the law"