Ibinahagi ni Aga Muhlach na naranasan niyang apak-apakan siya ng ibang aktor noong mga panahong bumagsak ang kanyang showbiz career.
Pagbubunyag ng kanyang misis na si Charlene Gonzalez, hindi ito alam ng maraming tao.
Ikinuwento ito ni Aga sa YouTube channel ni Karen Davila nitong May 4, 2023.
Nagsimula raw ito nang umakyat sa ulo ni Aga ang kasikatan nang gawin niya ang highly-successful movie na Bagets (1984).
“When I was 13, I started doing Bagets. That was my first movie. Hindi ko alam kung anong mangyayari…
“And then it became so big. Then I got lost there, ‘no,” kuwento ni Aga.
“Fourteen years old, solo na ako. Nakatira na ako mag-isa, nagre-rent ako ng apartment.
“I just thought [that] this was life already, ‘no. Parang this was the good life.”
Pero nagkamali raw si Aga sa kanyang inakala.
“And then you learn it na fame is different from finances. It doesn’t mean that sikat ka, yayaman ka.
“So feeling ko nun sikat ako, yayaman ako. Biglang ending mo, wala kang pera.
“Sinisipa ka na sa townhouse mo, wala kang pambayad ng kuryente, wala kang pambayad ng rental.
“'Tapos rebel without a cause ako. Feeling ko superstar ako, 14, years old, 15 years old, 16, bagsak ako…”
AGA DECIDES TO FIX HIMSELF
Sumadsad daw ang career ni Aga sa pagtatapos ng ’80s.
“That’s why inayos ko yung sarili ko in 1990-1991. That’s when I said this not my [life].
“I was really down and out. I was so down and out,” sambit ni Aga.
“And there were actors before, who would talagang…” natigilan si Aga. Hindi mabigkas ang susunod na sasabihin.
Aga: “Grabe…”
Karen Davila: “Inapi ka?”
Aga: “Grabe. Oo.”
Dahil daw sa karanasang ito ni Aga, ipinangako niya sa sarili na hindi niya ipararanas ito sa sinumang makakatrabaho niya.
“Kaya sinabi ko kapag sumikat ako talaga ulit, yung that time, never ko itong gagawin talaga.
“Kaya I’ve always been the kindest to any artistang kasama ko—bago, matanda, ganyan…
“Kahit ako ang sinabing, ‘Aga, ikaw ang pinakasikat, ikaw ang number one,’ Nah, nah, nah…
“We’re all the same here.
“I learned from that kasi… nakita ko yung sakit na ginawa sa akin. Yung baba ka na, yung aapakan ka pa.”
Early ’90s nang magsimulang muling sumigla ang career ni Aga at tumanggap ng mature at serious roles, partikular sa bakuran ng ABS-CBN.
Muling nabuhay ang kanyang career sa TV at pelikula.
Kabilang sa big movie hits ni Aga noong mga panahong iyon ay ang Bakit Labis Kitang Mahal (1992), May Minamahal (1993), Sana Maulit Muli (1995), Basta't Kasama Kita (1995) at marami pang iba.
Nagtagal naman sa TV ang sitcom na Oki Doki Doc mula 1993 hanggang 2000.