Hindi inaasahang nadulas si Cebu Province Emmanuelle Vera sa swimsuit competition ng Miss Universe Philippines 2023.
Sa latter part ng portion, kung saan nagsama-sama ang Top 18 finalists, aksidenteng nawalan ng balanse si Emmanuelle kaya natumba ito at bumagsak sa sahig.
Hindi malinaw ang dahilan kung bakit nadulas si Emmanuelle, subalit may posibilidad na naapakan niya ang kanyang suot na blue cover-up na itsurang madulas.
Hindi nakalusot sa mga mapagmasid na netizens ang nangyari kay Emmanuelle kung kaya’t nag-tweet sila at in-upload ang portion ng video ng pagkakadulas ng kandidata.
“Awwts! Miss Cebu Province slipped. Ingat po ladies…” tweet ng isa.
[twitter:
Awwts! Miss Cebu Province slipped! ???? Ingat po ladies…
— Jessandra ???? (@iamjessandra) May 13, 2023
#MissUniversePhilippines2023 pic.twitter.com/uanFDedCbW
Marami rin ang nakapagmasid sa pagiging alerto ni Miss Marinduque na kasunod ni Emmanuelle.
Kasunod ng pagkadulas ni Emmanuelle ay makikitang mabilis na sanang kikilos si Marinduque para tulungan si Emmanuelle.
Buti na lang at mabilis na nakatayo si Emmanuelle. Kagyat ding makikita na nag-bow para sa audience si Emmanuelle matapos makatayo.
[twitter:
Miss Cebu Province slipped! And Miss Marinduque with an immediate response ??#MissUniversePhilippines2023 pic.twitter.com/v9pA7Se0bf
— Slaymie Provido (@providology) May 13, 2023
]
[twitter:
marinduque helping cebu province in a heartbeat ???????? #MissUniversePhilippines2023 pic.twitter.com/6CgrjbSgqz
— ana ???? (@todorobb) May 13, 2023
]
Samantala, nabigong makapasok si Emmanuelle sa Top 10.
Pero mukhang suwerte pa rin ang nangyari dahil nabigyan ng pagkakataon ang Top 18 na rumampa sa evening gown competition.
Nagkaroon kasi ng “technical difficulty” dahilan para mag-resort sa manual computation ang scoring.
Samantala, bukod kay Emmanuelle muntik-muntikan na ring matisod ang dalawa pang kandidata na sina Jannarie Zarzoso (Agusan del Norte) at Airissh Ramos (Eastern Samar).