Nagkasama-sama ang mga artista ng magkabilang networks—Kapuso at Kapamilya—para suportahan ang upcoming TV series na collaboration ng dalawang media giants sa bansa.
Ginanap ngayong Sabado, May 20, ang special advanced screening ng Unbreak My Heart sa Trinoma Cinema 7, Quezon City.
Ang Unbreak My Heart ay kinatatampukan ng ABS-CBN stars tulad nina Jodi Sta. Maria at Joshua Garcia at GMA artists tulad nina Richard Yap at Gabbi Garcia.
Noon lamang January 2023 ay inanunsiyo ang collaboration ng GMA Network at ABS-CBN Corp para sa teleserye, in collaboration with the streaming platform Viu.
KAPAMILYA, KAPUSO TOGETHER
Nagdatingan ang mga artista para sa special screening.
Magkasamang dumating ang ABS-CBN stars na sina Coco Martin at Julia Montes.
Dumating din sina Angel Aquino, John Arcilla, John Estrada, at Jake Ejercito.
Naroon din sina Darren Espanto, Kyle Echarri, Charlie Dizon, KD Estrada, Alexa Ilacad, at Andrea Brillantes.
Dumalo naman sa event ang Kapuso stars na sina Alden Richards, Sanya Lopez, at ang Voltes V: Legacy stars na sina Ysabel Ortega, Radson Flores, at Matt Lozano.
Gayundin sina Jasmine Curtis-Smith, Gil Cuerva, Lexi Fernandez, at Ashley Ortega.
Siyempre, naroon ang main cast ng teleserye na sina Jodi, Richard, Gabbi, at Joshua.
Naroon din ang ibang cast members tulad nina Sunshine Cruz, Gardo Versoza, Will Ashley, Bianca de Vera, PJ Endrinal, Nikki Valdez, Eula Valdez, Laurice Guillen at marami pang iba.
Namataan din sa event si ABS-CBN President and CEO Carlo Katigbak at GMA Films President Annette Gozon.
Ang Unbreak My Heart ay eere sa GMA-7 at sa 15 territories outside of the Philippines on Viu.