Bida sina Jake Cuenca at Sue Ramirez sa TV5 sitcom na Jack and Jill Sa Diamond Hills.
Sa tunay na buhay, si Sue ay may “Jack” na—ang boyfriend niyang si Mayor Javi Benitez ng Victorias City, Negros Occidental.
Si Jake ba ay may ‘Jill’ na sa tunay na buhay?
“Wow!
“Wala, wala pa. Parang ano e, hindi, wala pa.
“But right now I think, ang dami kong ginagawa to be honest and parang… nagkasakit nga ako,” at natawa si Jake.
“Nagkaroon na ako ng, ‘The show must go on!’ moment habang ginagawa ko yung play, may sakit na ako, hindi ko na alam kung kaya kong gawin.
“But we did it,” pagtukoy ni Jake sa katatapos lamang na sexy play niyang DickTalks na kasabay naman ng taping niya para sa Jack and Jill Sa Diamond Hills.
“It will come at the right time, I think,” sagot niya pa tungkol sa pagkakaroon ng karelasyon.
“Tsaka parang for now parang I’m happy with my current situation.”
JAKE ADMITS HE’S OPEN TO DATING
Kahit pakikipag-date ay hindi ba niya ginagawa sa ngayon?
“I’m open to it. I’m open to it, pero for now parang this is no time, wala talagang time, e. Kakatapos lang nung play ko and then we’re here now, [sa Jack and Jill Sa Diamond Hills], but I’m grateful for this.
“Kumbaga, ito yung tipong problema na I’d like to have, alam mo yun?
“Na sa gitna ng pandemya sana ito yung problema ko nun, parang ganun,” at natawa si Jake na ang tinutukoy ay ang pagkakasakit dahil sa dami ng trabaho.
Sa direksyon ni John ‘Sweet’ Lapus, gumaganap na mga pulis sina Jake at Sue sa Jack and Jill Sa Diamond Hills.
JAKE ENJOYED PLAYING VILLAIN AS A KID
During the face-to-face mediacon para sa Jack and Jill Sa Diamond Hills sa TV5 media center noong nakaraang May 3, tinanong namin si Jake kung naging pangarap niyang maging isang pulis noong bata pa siya.
“Parang ano e, nung nagka-Cops and Robbers kami nung bata ako, I always like being the robber,” at tumawa si Jake.
Ang Cops and Robbers ay isang uri ng role-playing game ng mga bata.
“I always liked yung laging ako yung masama, e. But I don’t mind this,” sabay turo ni Jake sa suot niyang uniporme ng pulis sa mediacon
“I can be a cop, too.”
Kasama nina Jake at Sue sa Jack and Jill Sa Diamond Hills sina Ara Mina, DJ Onse, Nana Silayro, Nico Antonio, DJ Jhai Ho Hershey Neri, Willie Miller at Gardo Versoza.
JAKE CLARIFIES JACK AND JILL SITCOM NOT A REMAKE
Natanong naman si Jake, dahil may nauna nang mga Jack and Jill movie na pinagbidahan nina Dolphy at Lolita Rodriguez (1954) at nina Herbert Bautista at Sharon Cuneta (1987), may pressure ba sa kanya ngayong siya si “Jack?”
“Actually, hindi naman po siya remake, e. Magkapatid sila sa original.”
Love interest naman nila ni Sue as Jill ang isa’t isa sa TV5 comedy series.
“Yeah, it’s not a remake but certainly nakaka-pressure kasi naka-attach yung pangalan ng mga artistang nandiyan. But I think we’re confident kasi sobrang ang saya kasi ng set, e.”
Pagsegunda pa ni Sue kay Jake, “Tiwala lang talaga yun e, sa ginagawa mo at sa ginagawa ng lahat ng tao sa paligid mo.
“Sabi nga ni Jake, nagre-react lang daw siya sa amin pero lahat kami actually nagre-react lang kami sa isa’t isa.
“Ganun po talaga gumawa ng comedy, di ba? Hindi dapat sobrang scripted kasi hindi mo mapu-pull off yung mga punchline kapag ganun.
“So kailangan lumalabas siya spontaneous,” sinabi pa ni Sue.
JAKE SAYS DIREK SWEET IS AN ‘INTENSE’ DIRECTOR
Tinanong din kay Jake kung kumusta maging direktor si John “Sweet” Lapus.
“Actually, maraming nagtatanong sa akin tungkol kay Direk Sweet.
“For me, kahit comedy, Direk Sweet is intense! Kaya kailangan seryoso ka sa set. Hindi puwede yung ano, you can’t take things lightly with Direk.
“Kailangan you have to come to the set prepared, ready to work, and be able to do whatever he says.
“Kasi seryoso din si Direk e, kaya kahit sabihin mong masaya at comedy ang ginagawa naming, it’s still work.
“Hundred percent it’s still work,” sinabi ni Jake.
Mula sa TV5, APT Entertainment at Cignal TV, napapanood ang Jack and Jill Sa Diamond Hills sa Kapatid Network tuwing Linggo, 6 pm.