#EatBulagaWar
Nanindigan ang magkapatid na Jon at Bullet Jalosjos na ang Television and Production Exponents (TAPE) Inc. ang nagmamay-ari ng Eat Bulaga! trademark.
Humarap sa PEP.ph (Philippine Entertainment Portal) noong June 3, 2023, si Jon Jalosjos, President at Chief Executive Officer ng TAPE, at ang nakababata niyang kapatid na Bullet Jalosjos, Chief Finance Officer ng kumpanya.
Mga anak sila ni Romy Jalosjos Sr,, Chairman at majority shareholder (75 percent) ng TAPE.
Ang trademark na Eat Bulaga! ay isang matinding isyung inilalaban ng TVJ.
Noong gabi ng June 1 at umaga ng June 3, iniulat ng PEP.ph ang pagtutuwid ni Tito Sotto sa “rightful owner” ng pangalang Eat Bulaga!, at ito raw ay hindi ang TAPE kundi ang TVJ.
Ipinakita ni Tito sa PEP.ph na nag-apply ang TVJ sa Eat Bulaga! trademark para sa iba-ibang merchandise items, at pati na rin para sa entertainment services ng buong produksiyon.
Ipinakita ni Tito sa PEP.ph na kasama ang pangalan ni Antonio Tuviera sa application na isinumite ng TVJ sa Intellectual Property Office of the Philippines noong February 27, 2023.
Si Tuviera ang dating CEO at President ng TAPE, at nananatiling minority shareholder (25 percent) ng kumpanya.
READ: EXCLUSIVE: TVJ & Tony Tuviera applied as one group for Eat Bulaga! trademark
READ: SCOOP: Tito Sotto claims TVJ owns Eat Bulaga! trademark
Hindi natinag ang Jalosjos brothers sa resibong ipinakita ni Tito.
Pahayag ni Jon sa PEP.ph, "So, ito lang, simple. Ang legal stand namin, we have the papers to prove that we own Eat Bulaga! for 44 years. Dapat sila, nag-claim noon pa. Why now?"
TAPE INC. SHOWS REGISTERED TRADEMARKS FOR EAT BULAGA! & ITS SEGMENTS
May resibo ring ipinakita ang Jalosjos brothers sa PEP.ph para patunayang sa TAPE ang Eat Bulaga!.
Sabi ni Bullet: "So, talking about even the IPO, we can show records na sa amin po yung IPO. We have the actual paper. Original po ito."
Ipinakita nina Jon at Bullet sa PEP.ph ang original copy ng mga logo na nakapangalan sa TAPE at nakarehistro sa Intellectual Property Office (IPO): Eat Bulaga!, EB, at Eat Bulaga and EB.
Ang trademark ng Eat Bulaga! na nakarehistro sa pangalan ng TAPE ay mawawalang bisa matapos ng June 14, 2023.
Pero nilinaw ni Bullet na nakapag-file na ang TAPE para sa renewal ng registration ng Eat Bulaga! trademark.
Sa website ng World Intellectual Property Organization (WIPO), hindi pa nagre-reflect ang request for renewal ng TAPE.
Pero makikita sa WIPO na ang mga logo na "EB" at "Eat Bulaga and EB" ay nakarehistro sa pangalan ng TAPE mula pa 2013.
Ito ay nasa Trademark Classes 16, 18, 21, at 25 na may kinalaman sa merchandise items.
Tinanong ng PEP.ph kung naparehistro rin ng TAPE ang pangalang Eat Bulaga! sa Trademark Class 41 na entertainment services.
Ang sagot ni Bullet ay "Oo."
Ayon kay ni Bullet, 1991 pa nang unang irehistro sa IPO ang pangalang Eat Bulaga!
segments of eat bulaga! are also registered
Isa pang ipinakita ng Jalosjos brothers sa PEP.ph ay ang listahan ng Eat Bulaga! segments na nakapangalan sa TAPE at nakarehistro sa IPO.
Ang sikat na Eat Bulaga! segments na "Bawal Judgmental" (2021), "Pinoy Henyo" (2012); at "Kalyserye" (2016) ay nakapangalan din sa TAPE.
Gayundin ang segments na "Problem Solving "(2016) at "Juan For All, All For Juan" (2013, 2014).
Tugma ito sa mga nakarehistro sa WIPO.
Nakapangalan sa TAPE at nakarehistro sa IPO ang sikat na mga karakter sa "Kalyeserye" —kasama ang AlDub (2019), Yayadub (2016), Lola Tinidora (2016), Lola Tidora (2016), Lola Nidora (2016), at Frankie Arenolli (2016).
May mga active pang registered trademarks at mayroon ding expired na at kailangang i-renew, ayon sa Jalosjos brothers.
Diin ni Jon, "Merong mga expired, pero kami ang rightful renewal."
Dagdag ni Bullet: "And then I'd like to make a distinction. We heard in the news na sila, they applied. Which means, if you apply bago yun.
"Kami, nag-renew lang kami. Which means we started with it, and we're up for renewal... We just filed for renewal."
THE MATTER OF TRADEMARK
Sa naunang report ng PEP.ph tungkol sa Eat Bulaga! trademark, ipinaliwanag ni Atty. Anthony Peralta — eksperto sa International Property Rights — na may "first-to-file system" para ma-determine kung sino ang may-ari ng isang trademark.
Ten years ang itinatagal ng trademark registration, at wala raw limit para sa renewal, basta may proof na ginagamit ang trademark sa komersiyo.
Nilinaw ng abogado na iba ang trademark sa copyright.
Ang copyright ay tumutukoy sa intellectual property para sa literary, artistic, scientific, and scholarly works.
Habang ang trademark ay marka o visible signs na magpapakita sa publiko kung ano ang origin ng goods or services ng isang brand o entity.
PRODUCER OF EAT BULAGA ON CONTRACT FOR BLOCKTIME DEAL
Ipinunto ng TAPE president na ang TAPE ang may kontrata para mag-ere ng noontime show na Eat Bulaga!
Paliwanag ni Jon: "Alam mo, lahat iyan, Eat Bulaga!—TAPE. Ever since, sino nag-produce ng Eat Bulaga!? TAPE.
"Lahat ng kontrata, from Channel 2 to Channel 7, TAPE pa rin."
Ipinunto rin ni Bullet na kamakailan lang ay vinerify ng TAPE ang existing blocktime agreement nito sa GMA Network.
Nakasaad daw sa mga pirmadong kontrata nila sa GMA-7 na ieere ang Eat Bulaga! sa noontime slot ng network.
Paliwanag ni Bullet: "But the records state, and even the contracts of GMA-7 [state], na sa amin.
"And GMA-7 has been constantly assuring us that they're holding our contracts.
"So, as of now, we still have almost around two years [to air in GMA-7]."
Kinumpirma ni GMA Network Senior Vice President Atty. Annette Gozon-Valdes na hanggang 2024 pa ang blocktime agreement ng Kapuso Network at TAPE.
Ipinaliwanag din ng abogada na ang deal ay para sa inuupahang timeslot ng TAPE sa network.
“In fact, nasa contract nila na they can change hosts, they can reformat, and this contract was negotiated by Mr. [Tony] Tuviera pa noong time na yun."
Sumusunod lang daw ang GMA-7 sa kasunduan, pero idiniin din niyang "neutral" ang GMA-7 sa away ng TAPE at ng TVJ.
Sinabi ito ni Atty. Annette sa panayam ng 24 Oras noong June 2, 2023.
READ: GMA Network remains neutral in TVJ-TAPE Inc. split
JALOSJOS BROTHERS ON TITO SOTTO's CLAIM that TVJ OWNS EAT BULAGA! TRADEMARK
Sa isyu pa rin ng trademark ownership, magkaiba ang pananaw ng TVJ at TAPE pagdating sa timeline nang pagkakabuo ng 1979 noontime show.
Isang argumento ni dating Senate President Tito Sotto ay 1981 pa lamang nabuo ang kumpanyang TAPE, gayong umeere na ang Eat Bulaga! mula pa 1979.
Ang creative mind sa likod ng show ay ang TVJ, argumento rin ni Tito. Si Joey ang nakaisip ng pangalan, at si Vic Sotto ang sa iconic theme song.
Ang Production Specialists — na pag-aari ni Romy Jalosjos, Tony Tuviera, at ilan pang investors— ang producer ng Eat Bulaga! noong 1979.
Noong 1980 ay nagsara ang Production Specialists. Ayon kay Tito, nalugi ang kumpanya, at isang taon daw na hindi sumuweldo ang TVJ.
Pero pumayag daw silang walang suweldo sa ngalan ng pagmamahal sa programa at pagkakaisa ng hosts.
Kaya, sa paningin ni Tito, hindi raw puwedeng ariin ng TAPE ang pangalan na Eat Bulaga!
Kontra-pahayag ni Bullet: "So, sinasabi mo yung Production Specialists ang nag-umpisa. Who produced Production Specialists? It's the same person."
Na ang tinutukoy ni Bullet ay ang kanyang amang si Romy Jalosjos, na nasa Production Specialists at naroon din sa TAPE.
Sabi ni Jon, "Sa amin, they can always talk about legality. But we all know, pagdating sa legal, only the court can [decide].
"BASTA KAMI, WE WILL FIGHT FOR OUR RIGHTS."
Ang law firm na nagrerepresenta sa mga Jalosjos ay ang Tiongco Siao Bello Law Offices, habang DivinaLaw ang sa TVJ.
ON "CREATIVE" OUTPUTS BEING OWNED BY TAPE
May isa pang paliwanag si Bullet tungkol sa kung sino ang may-ari ng Eat Bulaga! trademark.
"Sa amin naman, I think it's common sense. I think we don't need to be a lawyer to understand this.
"You know, they were being employed. So, may talent fee and everything.
"In every company, whether it's creative[s] that you come up with, during the time of employment, or the time you're getting paid for that, automatically sa kumpanya yan."
Pag-pick up ni Bullet: "Ganito, to give you an example. If I was making a shoe, and I was being paid to make the shoe, I cannot just say that, 'Since I made it, akin yan. I own the rights to it.'
"Obviously, the shoe wouldn't have been made if the factory or the company wasn't there in the first place."
Sa mga interbyu ni Tito Sotto, hinihiwalay nito ang Board ng TAPE sa Production ng Eat Bulaga!.
Katuwiran ng dating senador, kahit TAPE ang producer, hindi naman daw nakikita ng hosts ang Board sa matagal na panahon.
Tanging si Antonio Tuviera—Tony o Mr. T—ang nakagisnan ng Dabarkads na nagpapatakbo ng Eat Bulaga!
Pagpapatuloy ni Bullet: "Going back to what you were saying, yes, I don't know what they're claiming, but kung wala yung TAPE, paano magti-take off yung Eat Bulaga!?
"It would just have been a mere name. So, how would that happen? I don't think you need a lawyer to understand that. Whatever claim it may be, it wouldn't have taken off if TAPE wasn't there to produce it."
Binanggit ni Jon ang It's Showtime, ang karibal na programa ng Eat Bulaga!, at ang pambatong host nitong si Vice Ganda na nagpasikat nang husto sa Kapamilya noontime show.
"Like, ito na lang, Showtime. Ilang taon na ang Showtime? So, puwede na i-claim ni Vice Ganda na sa kanya yon?" pag-aanalisa ni Jon.
ON WHO OWNS THE POPULAR SEGMENTS OF EAT BULAGA!
Nakarating din daw kay Bullet ang komento ni Tito Sotto na si Jeny Ferre — na nagpasimuno ng mga sikat at matagumpay na Eat Bulaga! segments na "Kalyeserye," "Pinoy Henyo," "Bawal Judgmental," at "Juan For All, All For Juan" — ang "may-ari" ng segments na ito.
Si Jeny ang Senior Vice-President for Creatives and Production ng TAPE bago ito kumalas sa kumpanya kasama ng TVJ noong May 31, 2023.
Hindi naman nasabi ni Tito na kasama sa mga inilalabang trademark ng TVJ ang segments ng Eat Bulaga!.
Pero itinutuwid ng Jalosjos brothers na matagal nang may trademark registration ang mga sikat na segments ng Eat Bulaga!.
Sabi ni Jon: "They're telling me na si Jeny daw [ang may-ari ng segments]. Wala ba siyang suweldo? Di ba, it's part of her job to create that?
"Huwag na natin pahirapan pa. Yung mga writers ng isang show, puwede ba nila i-claim na sa kanila na yun while they're being paid salaries, allowances?
"While you're being paid to be [a] creative, and then what you created is yours? Is that right?"
Wala naman daw sa usapan na may co-ownership para sa binuong segments ng creators ng TAPE.
"It has to have a contract," sabi ni Jon.
Pag sang-ayon ni Bullet, "It should be stated. It should be clear from the start."
Dagdag na tanong ni Jon: "Kaya nga, why are they claiming na sa kanila? Wala nga silang proof na sa kanila."
Para sa TAPE, kung anuman ang trabahong iprinodyus ng mga empleyado at talents ng Eat Bulaga! sa loob ng 44 na taon ay pag-aari ng kumpanya.
Ani Bullet, "Any creative idea within that span of period, that's company-owned."
MORE RELATED STORIES ON #EATBULAGAWAR
- EXCLUSIVE Part 1: Tito Sotto drops bombs on those warring with 'Eat Bulaga!'
- EXCLUSIVE Part 2: Tito Sotto on Jalosjos family meddling in 'Eat Bulaga!' production: "Di nga namin sila nakita ng 43 years!"
- Tito Sotto on the day TVJ left TAPE: "Parang sila ang may-ari sa amin. Nakakapikon na."
- (UPDATED) Tito Sotto reveals "exodus" of Eat Bulaga! hosts, production staff from TAPE
- Tito Sotto says transfer to TV5 not a done deal; other options on the table
- TAPE Inc. issues statement on Tito Sotto, Vic Sotto, Joey de Leon's departure
- Joey de Leon draws flak for “Francise M” joke
- TAPE Inc. issues statement on Tito Sotto, Vic Sotto, Joey de Leon's departure
- Joey de Leon: “We’re not signing off… We’re just taking a day off!”
- FULL TRANSCRIPT: Tito Sotto reveals untold details about internal issues in 'Eat Bulaga!'