Nilinaw ni Michael V na hindi totoo ang balitang inilathala ng isang news website na hindi niya tinanggap ang offer ng Eat Bulaga! na maging host ng noontime show na umeere sa GMA-7.
Ito ay sa gitna ng isyu ng pagkalas nina Tito Sotto, Vic Sotto, Joey De Leon at iba pang Dabarkads sa Television and Production Exponents Inc., ang producer ng noontime show.
Sa kanyang Instagram account ngayong araw na ito, June 11, 2023, ipinost ni Michael V ang screenshot ng lumabas na balita at nilagyan ng stamp na “fake news.”
Ang titulo ng balita: "Michael V, tinabla ang offer ng EB; Kuya Kim, tumanggi na rin!" Nalathala ito noong June 6.
Read: Paolo Contis umapelang huwag isama sa bashing ang Eat Bulaga! staff, crew na hindi nag-resign
Read also: Mavy Legaspi speaks up about hosting revamped 'Eat Bulaga!'
Sinimulan ni Michael V ang kanyang mahabang caption ng mga salitang: “FAKE NEWS ALERT!”
Ayon pa sa post ni Michael V, published as is: “While I appreciate the positive comments, this one, ultimately is FAKE NEWS.”
Paglilinaw niya, “WALA po akong natanggap na offer to host Eat Bulaga on GMA 7.
"At kung magkaroon man, I will STILL DECLINE dahil hindi na po maa-accommodate ng schedule ko at the moment.”
Nagbigay rin siya ng saloobin sa isyu sa pagitan ng original Eat Bulaga! hosts at ng TAPE.
Aniya, “It’s unfortunate na hindi naging maayos ang paghihiwalay ng dalawang kampo and I’m hoping na ma-plantsa na ang gusot.”
Pasubali pa niya, “Alam ko kasi na in the future, I will appear on both shows for whatever reason and I would like to feel welcome when that time comes.”
Read also: Buboy Villar gets flak for post sympathizing with ‘Eat Bulaga!’ hosts
Read also: Sugar Mercado remains grateful to 'Eat Bulaga!' and TVJ
At para naman sa mga nagtatanong kung ano ang naging dahilan ng pag-alis niya noon sa Eat Bulaga!, “Nasagot ko na po ‘yan sa #BitoyStory 11 [around 02:43 mark] originally posted on October 4, 2018.”
Ibinigay rin niya ang link kung saan mapapanood ang kanyang paliwanag.
“I hope this clears things out for anyone who’s asking.”
Paalala pa ni Bitoy, “Maging maingat at matalino po sa pagbabasa at pagre-research para hindi tayo mabiktima ng FAKE NEWS.”
on KIM ATIENZA not joining eat bulaga!
Isa rin si Kim Atienza sa napabalitang magiging host ng Eat Bulaga! matapos niyang mag-post sa Instagram kamakailan ng larawan nilang tatlo nina Billy Crawford at Erik Tai.
Ang tatlo ay dating bahagi ng It’s Showtime.
Read also: Jon & Bullet Jalosjos say they have "no diabolical reason" for joining TAPE board
Read also: Joey de Leon breaks silence after severing ties with TAPE
Matatandaan naman na binanggit ng manager ni Kuya Kim, ang PEP Troika columnist na si Noel Ferrer, na hindi nito tinanggap ang Eat Bulaga! hosting job dahil sa daily game-variety show nitong TiktoClock.
Ang TiktoClock ay umeere bago ng Eat Bulaga.
Bukod pa rito ay napapanood din si Kuya Kim sa Kapuso primetime news program na 24 Oras.
Read also: #EatBulagaTV5 trends on Twitter after TVJ signs deal with MediaQuest