Kinontra ni Priscilla Meirelles ang “correction” sa kanya ng isang netizen matapos sabihin ng Brazilian beauty queen na siya ang “one and only wife” ni John Estrada.
Nangyari ang sagutan ni Priscilla at ng netizen sa recent Instagram post ng una tungkol sa 50th birthday ng asawa nitong si John.
Bahagi ng IG caption ni Priscilla: “Thank you for being a good provider for our family. Thank you for being a good dad to Anechka. Thank you for being my husband. We love you. God bless you and may he be with you always. Your one and only Wife.”
Nag-react ang netizen sa last sentence ni Priscilla: “Second wife correction please.”
Sinundan pa ito ng netizen ng laughing with tears emoji na tila nang-uuyam.
Malinaw na ang gustong tukuyin ng netizen ay ang dating asawa ni John na si Janice de Belen.
Sumagot si Priscilla at pinuna ang netizen dahil hindi raw nito nauunawaan ang kanyang mensahe.
Matagal na kasing annulled ang kasal nina John at Janice bago pa magpakasal sina Priscilla at John.
Sabi ng former Miss Earth titleholder (published as is): “next time will write in TAGALOG po so that you can understand. obviously you didn’t.”
Nagbiro pa si Priscilla na baka may alam ang netizen na iba pang asawa si John. Paki-inform na lang daw siya.
Message ni Priscilla (published as is): “but in case may ibang wife ng Hindi ko Alam Please pa DM SA AKIN para asikasohin. Lol”
Pero nagmatigas ang netizen. Inakusahan nito si Priscilla na nang-agaw kay John sa dati nitong asawa.
Sagot ng netizen (published as is): “diba nang agawin ka lang nman kaya ng kahiwalay sila. kung hindi ka umiksina sa buhay ng asawa mo ngayon sana buo pa ang pamilya nila.”
Mahinahon ang sagot ni Priscilla tungkol sa pagiging “disinformed” ng netizen ukol sa kanyang akusasyon.
Reply niya (published as is): “the design is very disinformed Please pa google po kayo ng tama information.
“May internet at Google po kayo sa planet nyio po, diba?! Checking lang po.”
Kinatigan naman si Priscilla ng karamihan ng netizens kaugnay ng maling akusasyon sa kanya ng kritiko.
Sina Priscilla at John ay ikinasal noong February 2011.
Bago ito, ikinasal si John kay Janice noong 1992, at na-annul ito noong 2004.