Sa paglipat ng mga artista sa iba't ibang networks, isa sa inaabangan ng marami ay kung may posibilidad bang mapanood sa ibang channel ang Kapamilya actor na si Jericho Rosales. Huli siyang napanood sa seryeng Halik (2018) ng ABS-CBN.
Dahil maituturing siya bilang isa sa mga A-list actor ng Kapamilya network, marami ang nanghinayang nang magdesisyon siyang pansamantala munang mamahinga sa paggawa ng mga serye. Sinabayan pa ito ng pagkawala ng prangkisa ng ABS-CBN nung 2020.
Sa panayam ng PEP.ph (Philippine Entertainment Portal) kay Jericho kamakailan sa opening ng bagong Kuya J branch niya sa Eastwood, inamin ng aktor na may mga offers siya mula sa ibang network, pero consistent pa rin siya sa pagsabing hindi ito ang prayoridad niya sa ngayon.
Paliwanag ng aktor, "I’m a freelancer. There have been offers, but like I've said, TV work for me is on hold muna.
“Pinark ko muna yung TV work ‘coz I wanna focus on films, and of course, series on streaming services pero mas limited.
“Di ko naman dini-disregard ang mga teleserye. Parte ng kultura natin yan, minahal ko talaga yan. Binuhos ko yung 110% ko diyan.
“It's just the season of… kumbaga sa high school graduate, nag-graduate na ako sa college.
“So, ibang playground naman. Matagal ko nang nasa backseat ang music saka film. It's about time I learned that, I learned the business of film making, dapat pagsabak mo, ready ka."
JERICHO SAYS TV PROJECTS NOT HIS PRIORITY AT THE MOMENT
Ayon sa aktor, hindi naman niya sinasarado ang sarili sa mga TV projects, pero wala pa ito sa isip niya talaga sa ngayon.
Diin niya, "I will never close my doors on any project as long as it's great, it's good and I connect with the project. You know me, my last show Halik, talagang 110%, talagang dugo, pawis at baling buto at kung anu-ano pa.
“Lahat kami, Yam [Concepcion], ako, Yen [Santos] and si Sam [Milby] and the directors, of course. I'm good, it's just I promised to myself na i-prioritize ko na gumawa, mag-produce ng pelikula, dun muna ako ."
Inaalala ni Jericho na nabanggit niya noon sa isang presscon na magla-lie low siya talaga sa telebisyon, pero di ito nangangahulugan na tatalikuran na niya nang tuluyan ang showbiz.
Dagdag niya, "Kasi nung 2018 during the presscon, I mean I graduated doing a soap opera, nag-pandemic, nagsara ang ABS, ang daming nangyari.
“The timing is really… parang yung panahon, sinasabi sa akin to venture into other things and focus on my dreams.
“Ang dream ko talaga is to make movies that I will really, really be proud of. Ever since nag-open up ang lahat, wala akong ginawa kundi maghanap ng mga pelikula na gusto kong gawin.
“There have been a lot of offers and I'm really, really happy and grateful sa lahat ng mga nag-o-offer ng work.
"A lot of people think ayoko nang magtrabaho. That's not true.
“I'm actually working on my own films. I'm writing my own film, I'm producing my own film. Di lang kasi ako yung tipong tao na magpo-post sa social media ng mga ginagawa ko agad-agad.
“Once it's there na, saka ko siya ipu-post. Di ako natatakot na, ‘o, di ka nakikita ng mga tao.’ Di ako ganun, ayoko ng hilaw. I'm back to work, that's safe to say. I'm back to work."
JERICHO REVEALS ONGOING PROJECTS
Kamakailan nga ay nag-post si Jericho sa kanyang Instagram ng larawan para sa kanyang international prison series na Sellblock. Bukod dito ay inisa-isa ng aktor ang mga proyektong pinagkakaabalahan niya.
Detalye niya, "I have a series in the works, it's a series with a streaming platform and then I have a couple of films that I'm working on now. Di ko lang siya puwedeng i-announce talaga.
“Recently, I came back from the US, I'm working on something. I have Sellblock, in-announce na rin.
“In terms of producing, nag-produce ako ng short film ni Kim. Nagsulat kami ng scripts, I'm also doing music, there's this song that I'm about to release with SOS, sila Roberto Seña. I'm doing that, I'm doing a lot of things, music-wise and film-wise. It's just di ako masyadong madaldal about it.
"Maraming puwedeng magbago, but one thing I'm sure of are the projects that I'm working on personally and some projects I'm working on with my friends.
“Basta one thing I learned from the pandemic, I don't have to depend or rely on anyone else but sariling-sikap talaga. I wanna practice it ngayon na ako talaga yung tumatrabaho.
JERICHO PART OF ON THE JOB PREQUEL
Kinumpirma rin ni Jericho na magiging parte siya ng prequel ng On The Job (OTJ) kasama si Ryan Agoncillo, sa ilalim ng direksyon ni Direk Erik Matti.
"Na-publish na yun e, na-announce sa article. Pero I didn’t share it on social media, kasi nga like I've said, until we're on the set, until nagro-roll kami, that's the only time we will talk about it, until everything is plantsado nang lahat.
“But it's out, yes OTJ is one of them for this year with Direk Erik Matti and I'm so excited. I think we start rolling supposedly October, November," lahad niya.
JERICHO’S ASKS FOR FANS’ PATIENCE AND SUPPORT
Sa huli ay may mensahe si Jericho sa mga tagahanga na hanggang ngayon ay naghihintay kung kailan siya muli mapapanood na umarte at magbigay buhay sa iba't ibang karakter.
Pakiusap niya, "Please be patient and thank you for the support, I'm really working on it. I'm just being silent about it for a very good reason.
“Once nailabas ko yan, tuluy-tuloy na. I'm sure I'm gonna be proud of it and you guys are gonna be proud of it, ayoko lang ma-preempt yung mga bagay-bagay. I mean, it’s taking a lot of energy from me to keep quiet about it
"2023 will be a busier year for me. Pag nagte-take ka kasi ng role behind the cam, maraming trabaho na di naman kailangan na nalalaman ng mga tao."