Bahagi si Pinky Amador ng Abot Kamay Na Pangarap kung saan gumaganap siya bilang kontrabidang si Moira Tanyag.
Ito ay GMA Afternoon Prime na isa sa pinakanangungunang serye pagdating sa ratings at online views.
Maituturing ngayon si Pinky bilang pinakapopular na kontrabida sa Philippine television.
Umabot ng 3.2 million views ang bardahan nila ni Carmina Villarroel bilang rivals sa isang TV show at digital cover na bahagi ng eksena sa serye.
Kumbaga, siya ang babaeng "people love to hate," at kuwela ang treatment na sumemplang siya dahil sa pang-aaway niya sa karakter ni Carmina.
"Nagte-trending nga ang Moira, hati kami ni Moira dela Torre, kasi may issue din siya,” natawang komento ni Pinky.
"Pero pag titingnan mo daw yung ano…yung iisa-isahin mo, mas maraming sa Abot Kamay. Paano naman kaya naging ganun?"
Sikat na sikat ngayon si Pinky bilang si Moira?
“I think it’s a reflection that we did our jobs well, not just me, pero yung creative team, di ba?
"I think it’s a testament also to our directors and our creative group, that they really know, they really have a deep knowledge and understanding of storytelling.
"Kasi what makes a story gripping, what makes people watch, parang alam na nila lahat yun, 'tsaka ma-a-understood na nila na, 'Oh, gusto kasi ng mga tao na binabarda si Moira, ganun.
"Kaya lately, mapapanood niyo, di ba, nabubuhusan ng pintura, nadadapa, nasasaktan, parang napupunta sa lupa, nasa may paanan ni Lynette, mga ganun.
"Ang daming ganun, di ba, so I think it is part of the job, but I think it’s something to be proud of, di ba, because it doesn’t happen all the time."
Nakapanayam ng PEP.ph (Philippine Entertainment Portal) si Pinky noong Miyerkules, June 28, 2023 sa Summit Hotel sa Greenhills, San Juan City.
Read: Awra Briguela bar brawl incident: A timeline
PLOT TWIST
Hindi raw inakala ni Pinky na aabot sa ganitong punto ang karakter niya bilang si Moira.
“No! Kasi nung umpisa while we were planning this for yung normal run lang, with a little extension.
"In fact, I only found out six months into the show, na si Zoey Tanyag pala is not my daughter with Robert Tanyag," tukoy ni Pinky sa isang plot twist sa show.
Gumaganap si Kazel Kinouchi bilang Zoey at si Richard Yap naman si Robert sa Abot Kamay Na Pangarap. Habang si Jillian Ward ay anak naman ni Carmina kay Richard sa istorya.
Patuloy ni Pinky: "So, all the while as playing her as the wronged wife, di ba, kasi nagkaroon siya ng affair, nagbunga yun ng anak.
"So all the time bilang kontrabida or even acting for any purpose, you have to find something in the character that you like.
"Kahit sabihin pa nating mamamatay tao yan, there’s something redeeming about that character, so that you play the character with some authenticity, di ba?"
Dahil extended lagi ang kanilang serye, may adjustment din daw sa ginagampanan nilang mga karakter.
"So iyon, when I found out na, ‘Ay, hindi pala anak namin si Zoey’, I had to shift a lot of things.
"Tapos parang yung pagkatao niya [Moira] parang humahalimaw na, di ba? Nagiging more criminal na.
"So, kailangan mas malalim yung hook ko sa kanya, kung bakit ako naniniwala sa mga ginagawa niya. Mas mahirap, actually."
Nangyari na ba na kinausap ni Pinky ang mga writers ng Abot Kamay Na Pangarap at sinabi niyang huwag gawing sobrang walanghiya si Moira?
Sagot ni Pinky: "Kasi parang instead of bago ko siya tanungin, because valid naman yung tanong na yun e, bago ko siya tanungin iniisip ko yung big scope, the big picture, di ba?
"Kasi parang ako na lang yung tumatayo na talagang all-out criminal.
"Because all the others, like even my daughter, ano din, may side din na mabait siya, na naaawa siya, or minsan parang napipilit ko lang siya, ganun. So everybody still has a human side to them.
"I mean, even Moira does, pero parang ako na yata yung tumatayong parang pinaka-kontra sa kanila.
"I’m the anti-thesis of the morality of the show, so parang tinanggap ko na lang, kasi if not me, who?"
Read: Eat Bulaga! war and how it changes Philippine TV: A Timeline
EXTENDED BEYOND SEPTEMBER?
Proud si Pinky dahil tuluy-tuloy ang pag-ere ng Abot Kamay Na Pangarap.
“Actually, we never expected na magiging ganitong ka-hit ang Abot Kamay na Pangarap.
“Like, every soap, di ba ang pinaplano diyan 14 weeks, 16 weeks, actually nung opening namin 18 weeks.
"Pero dahil sobrang ganda yung ratings, tapos I guess it’s because it’s the first time na nagkaroon ng medical drama, di ba, it’s a first of its kind, so actually lahat kami nagulat, nagulat kaming lahat.
"Parang, ‘Anong meron, bakit ganun?’ So, even yung characters namin, habang nae-extend nagbabago din, so iyon."
Patuloy ni Pinky, "And it feels great! We’re all so humbled, na parang we have a hit tapos magwa-one year na kami, September 5 one year na kami.
"And so far, I think we’re extended till then and most probably till after po.
"Kasi tuwing nagpe-present sila sa management, parang hindi na nga tinatanong e, approved agad, parang hindi na tinitingnan yung mga numbers, approved na agad."
Alam na ba nila kung hanggang kailan ang extension ng Abot Kamay Na Pangarap?
“Actually, alam namin but we’re not allowed to say, bawal, alam niyo na,” ang nakangiting rebelasyon ni Pinky.
Pagpapatuloy pa ni Pinky: "With a possibility of another extension, kaya medyo ano, standby muna yung mga buhay namin, di ba, standby muna, kasi sayang naman, nandiyan na, e.”
Sa direksyon ni LA Madridejos, napapanood ang Abot Kamay Na Pangarap sa GMA Afternoon Prime mula Lunes hanggang Sabado. Bida rito sina Jillian Ward (bilang Dra. Analyn Tanyag), Carmina Villarroel (bilang Lyneth Santos), Dina Bonnevie (bilang Gisellle Tanyag).