Diretsahang sinagot nina Michael V, Paolo Contis, at Chariz Solomon ang isyu sa pagtanggal sa ilang Bubble Gang cast members.
Kasabay ito ng panibagong revamp sa 28-year-old Kapuso comedy gag show na tatawagin na sa pangalang BBLGANG.
Mapapanood ito sa bago nitong timeslot na 6 p.m. tuwing Linggo simula July 9, 2023.
@pepalerts Watch: Meet the cast of the revamped Bubble Gang on GMA-7! Now known as BBLGANG, catch your favorite kakulitan on the show’s new timeslot, 6PM, every Sunday! #PEPNews #EntertainmentNews #NewsPH ? original sound - PEP.ph
Kasama pa rin nina Michael V sa show sina Paolo, Chariz, Kokoy de Santos, Betong Sumaya, at Analyn Barro.
Ang bagong cast members ay sina Buboy Villar at Chesca Fausto.
Ilan sa mga natanggal sa show ay sina Valeen Montenegro, Sef Cadayona, Archie Alemanya, at Faye Lorenzo.
Read: Faye Lorenzo, iniyakan ang pagkakatanggal sa 'Bubble Gang'
"Maliit lang naman ang mundong ginagalawan," sabi ni Michael V.
Magkakatrabaho pa rin daw sila sa iba lalo na at may mga artista na lagare pagdating sa kinabibilangang shows sa GMA-7.
"Even yung mga dating cast namin, there was a time na we made it a point na mag-guest ng graduates like sila Rufa Mae Quinto, ara mina...
"It's going to happen. It's inevitable."
Ipinaliwanag din ni Paolo na sa tagal ng Bubble Gang ay hindi maiiwasan ang pag-revamp sa programa.
"Ever since naman naabutan ko na yung mga nag-ga-graduate, yun ang term natin, mga nagga-graduate na Bubble Gangers. But it doesn't necessarily mean na they will not come back.
"Dati marami nang nag-graduate pero halos weekly rin sila nag-guest namin.
"Right now, feeling ko, ang goal ng network kaya mas konti kami ay para mas marami kaming ma-guest, mas marami kaming sinasama."
Ipinunto rin ni Paolo ang pag-guest ng vloggers tulad nina Jelai Andres at Mika Salamanca ngayong July 9.
"Part ng pagiging relevant at sa pag-a-adapt namin sa panahon, e ,katulad ngayon social media, may nag-guest kami na galing social media at social media influencers at iba pang guest kasi mas gusto namin yung makapag-explore ng iba-iba.
"Eventually they can always come back. Yung mga nag-graduate naman may mga ginagawa sila, may mga teleserye sila."
Noong 2022 ay nag-revamp na rin ang Bubble Gang at nagkaroon ng pagbabago sa lineup ng cast members.
Read: Michael V. reaches out to axed Bubble Gang cast members
ON FRIENDSHIPS EVEN OUTSIDE BUBBLE GANG
Aminado naman si Chariz na mami-miss niya ang katambal na si Valeen sa segment nila na "Balitang Ina."
"Siyempre po, niyakan ko po yun," pag-amin ni Chariz.
"Pero nung isang araw magksama kami, alam din niya yung konsepto ng negosyo, ng showbiz.
"Si Valeen di naman siya talaga nawalan, nag-gain siya kasi sa Bubble andami niyang natutunan and naka-build siya ng magagandang relationships. Tinake niya yun with her.
"Meron siyang bagong trabaho, di lang sa mainstream, napaka active din niya sa digital."
Alam daw ni Chariz na puwede pa rin silang magkatrabaho ni Valeen.
"Sinabi ko sa kanya hindi lang ito ang venue natin to be together. Pareho kaming may pangarap together.
"We will be partners again. Hindi lang dito, maraming venue," dagdag ni Chariz.
Ganito rin ang mensahe ni Paolo sa mga dating co-stars na sina Sef at Archie.
"Of course, malungkot, but we're not taping friends. We're friends.
"Regardless kung di namin sila kasama tuwing Lunes [na taping], araw-araw kausap ko si Archie, si Sef. Yun lang naman yun."
CREATORS OF BBLGANG
Ang creative team ng BBLGANG ay binubuo ng mga sumusunod: Ceasar Cosme (creative director), Chito Francisco (head writer), Ramon Roco (senior writer), at sina Mcoy Fundales, Mike Unson, Mark Sakay, Ardee Delola (writers).
Ang director ng comedy gag show ay si Frasco Mortiz at Mark David.
Watch the mediacon of the revamped Bubble Gang now called BBLGANG: