Inalala ng pamilya, mga kaibigan, at mahal sa buhay ang Hari ng Komedya na si Rodolfo Vera Quizon, Sr., o mas kilala sa screen name niyang Dolphy, ang ika-11 anibersaryo ng kanyang kamatayan kahapon, July 10, 2023..
Pumanaw si Dolphy dahil sa pneumonia, chronic obstructive pulmonary disease, at acute renal failure noong July 10, 2012.
Read: Comedy King Dolphy dead at 83
Isa sa mga gumunita sa araw ng kamatayan ng Comedy King ay ang dati niyang partner na si Zsa Zsa Padilla.
Sa kanyang Instagram account, ipinost ng Divine Diva ang larawan ng pagbisita niya sa puntod ni Dolphy sa The Heritage Park sa Taguig City.
Read: Zsa Zsa Padilla gets sentimental over Dolphy's vintage Breitling watch
Kalakip ng post ni Zsa Zsa ang paghingi niya ng dasal sa mga tagahanga at patuloy na nagmamahal kay Dolphy.
Mababasa sa kanyang caption (published as is), "Today is the 11th death anniversary of Dolphy. Please say a little prayer for him."
DOLPHY'S CHILDREN, OTHER CELEBS PAY TRIBUTE TO LATE COMEDY KING
Bukod kay Zsa Zsa, nagbigay-pugay rin ang dalawa sa kanyang mga anak na sina Vandolph at Eric Quizon.
Si Vandolph ay anak ni Dolphy sa dati nitong partner na si Alma Moreno, habang si Eric ay anak niya sa dating aktres na si Pamela Ponti o Alice Smith sa totoong buhay.
Read: Eric Quizon remembers dad Dolphy's huling habilin: "Ayoko ng away-away."
"You are remembered everyday, especially today. It has been eleven years," post ni Eric sa Instagram, kalakip ng lumang litrato nila ng ama.
Read: Quizon brothers, aminadong di kayang pantayan ang komedya ng yumaong amang si Dolphy
Idinaan naman ni Vandolph sa pag-post ng larawan ng get-together kasama ang cast ng defunct ABS-CBN sitcom na Home Along Da Riles ang paggunita sa death anniversary ni Dolphy.
Kasama ni Vandolph sa larawan sina Claudine Barretto, Smokey Manaloto, Gio Alvarez, Maybelyn dela Cruz, Brod Pete, at ang apo ni Dolphy na si Boy2 Quizon.
Saad niya sa kanyang caption (published as is) "Nostalgic [pray sign emoji] Home along Fam...ABANGAN. bring back the true Pinoy Family Values [smiley emoji] we Miss you Tatay Kevin."
Ang "Tatay Kevin" na tinutukoy ni Vandolph ay ang pangalan ng karakter ni Dolphy sa Home Along Da Riles.
Read: Baptism of Smokey Manaloto's son brings together Home Along da Riles cast
Samantala, may hiwalay na post din sina Claudine at Boy2 sa Instagram sa pag-alala sa kamatayan ni Dolphy.
Mensahe ni Boy2, "Once a Cosme, Always a Cosme! Happy 11th year in Heaven, Lolo!"
Sabi naman ni Claudine, "11th death anniversary of Tatay Dolphy sabay Reunion @gio__alvarez @maybelyndelacruz @smokey_manaloto @boy2quizon_ with our staff & writers. we luv u Tatay kevin [pray sign emojis] #dolphy."