May bahid ng American sci-fi drama series na Sense8 ang Cinemalaya 2023 film na Tether kung saan bida sina Mikoy Morales at Jorrybell Agoto, sa panulat at direksiyon ni Gian Arre.
“May extraordinary, freaky way kung paano ako na-bond, at kung ano ang bond na yun with someone else, yung karakter ko with Jorrybell’s character,” lahad ni Mikoy sa mediacon ng Cinemalaya XIX: Iluminasyon noong Hulyo 5, Miyerkules, sa Philippine International Convention Center (PICC), Pasay City.
“Ang concept sa tether na yun, lahat ng nararamdaman niya, nararamdaman ko. Lahat ng nararamdaman ko, nararamdaman niya for some weird reason.
“Na parang kunwari, kahit hindi kami magkasama ngayon, tapos kinurot niya ang sarili niya, mararamdaman ko yun.
“Bukod sa physical manifestation na nangyayari na yun, meron din siyang ano, e, like kung paano ka ma-tether sa isang tao kapag nasa relationship ka. Lalo kung toxic.
“Like, meron ka talagang parang… meron kang ‘walang kawala’ dun. Na hindi mo maiwasan, na hindi ka nga aware na napunta ka na dun for some weird reason.
“Tapos parang challenging na makita yun at umalis ka pa kasi. Wala, e. Ang dali kasing mag-judge, di ba, pag nakakita ka ng relationships ng iba na parang, ‘Hiwalayan mo na yan! Hiwalayan mo na yan!’
“But it’s actually difficult when you’re in it. Yun yung pinaka-tether-tether talaga siguro.”
Read: Kris Aquino reveals breakup with Mark Leviste
Mikoy Morales and Jorrybell Agoto in 'Tether'
TOXIC RELATIONSHIP
May pinaghugutan siyang personal experience na toxic?
“Madami!” mabilis na tugon ng Kapuso actor.
“Madami, madami. Hindi! Joke lang, joke lang! Well, meron, oo.
“Like, hindi ko naman siguro maiintindihan talaga kung ano yung mga yun kung hindi nangyari sa akin.
“So meron. Iisa-isahin ko ba?”
Happy si Mikoy sa kasalukuyang karelasyon, at malamang na magkatuluyan sila. Engaged na ba sila?
“Not yet, not yet, not yet, not yet. Ahh but oo, I’m happy,” pagngiti ni Mikoy.
“Nagka-toxic relationships ako dati and ang dami kong natutunan dun to the point na itong relationship ko ngayon, isa rin sa mga rason kung bakit ako masaya kasi parang, ‘Ahh puwede pala yun. Puwede palang hindi toxic. Puwede palang ganito.’
“Maraming ‘puwede pala ito.’ Maraming ganun.”
Toxic pala sila ng dati niyang girlfriend na si Thea Tolentino?
Read: Thea Tolentino breaks up anew with Mikoy Morales
“Ang bata rin kasi namin nung nag-start. Like, ten, eleven years ago, di ba? So parang hindi mo rin maiwasan kasi,” saad ni Mikoy.
“Tapos sabay pa kaming pumasok sa industriya ni Thea, di ba, so… I think, that’s one factor kung bakit.
“At some parts, naging toxic din kami. Pero it’s different kasi when you know you’re in a toxic relationship, or when you know you’re just in a relationship na di mo alam, toxic.
“Lahat yun, halo ang mga yun sa nangyari sa amin ni Thea at sa iba ko pang relationships.
"But, yun, ngayon kasi nung dumating na ito, yung itong relationship ko, it was actually quite overwhelming at mahabang parts sa simula.
“Kasi I din’t know how to take it. I didn’t know how to accept healthy love. I didn’t know how it felt to be accepted the way na kung paano pala dapat.”
Sina Mikoy at Thea ay parehong produkto ng GMA-7 talent search na Protégé: The Battle For The Big Artista Break noong 2012.
Read: Jeric Gonzales and Thea Tolentino declared winners of Protege: The Battle For The Big Artista Break
MORE DARING THAN DICKTALK?
Mapangahas ang pagganap ni Mikoy sa theatrical play na Dicktalk. Dito sa pelikulang Tether, mukhang sexy rin ang pagpapakitang-gilas niya.
Read: Mikoy Morales steals show in stageplay 'Dicktalk'
“Ay naku! Wala pa yung Dicktalk pag tinabi mo dito! Ha! Ha! Ha!” pagtawa ni Mikoy.
“Pero hindi naman ito Vivamax.”
Tipong Fifty Shades of Grey?
“Hindi naman. Hindi naman siya ganun. Although may mga scenes kasi talaga na very intimate physically,” pagtatapat ni Mikoy.
“Like, may mga bed scene siya and all. Mas ang makikita mo sa scenes na yun, e, emotional tethering.
“It’s very emotionally intimate, so mas dun sa side na yun.
“And I’m sure andaming nagsasabi na kapag iniinterbyu nyo na parang, ‘O, may mga bed scenes kang ginawa.’ Sabihin niya parang, ‘Ay hindi! Iba itong ginawa namin ngayon!’
“Like lahat siguro, yun ang isinagot, ano? Pero ito kasi, dahil first time ko, hindi ko masabi kung iba ito o hindi.
“Pero para sa akin, bago. At para sa akin, iba.”
Nag-intimacy workshop sina Mikoy at Jorrybell bilang paghahanda sa bed scenes.
Mikoy Morales and Jorrybell Agoto in a scene from 'Tether'
Salaysay ni Mikoy, “Nagkaroon kami ng intimacy workshop para ma-facilitate. Ang healthy dito, ginawa namin yun with the director and the producer.
“So, alam naming lahat, magka-same level kami ng awareness kung ano dapat at hindi dapat gawin sa set when shooting these scenes.
“And also, nag-prepare din ako with a consultant. Nag-prepare ako with Ate Ana Feleo to help me de-role after ng Dicktalk at tumuloy dito sa next project na ‘to.”
ON DOING INTIMATE SCENES
May butt exposure siya?
“Hindi ko alam kung nakunan sa kamera yun pero plaster lang ako, e, so… malamang. I don’t know, hindi ko alam kung kumusta yung shots na yun,” kaswal na sambit ni Mikoy.
Wow! Bold and daring pala talaga siya sa Tether?!
“Kasi maganda ang materyal. Like, marami na rin naman kasing naging offers before na, ‘Gawa ka ng ganito, like indie ito, for festival ito, may ganitong scenes,’ blah-blah-blah.
“Pero I always, like… I rarely find the reason to actually go naked and do bed scenes unless kailangan.
“Like love story, ipapakita mo na yung love. Kailangang ipakita na magganun? Or parang… yung mga ganun, like not unless it’s really needed to tell the story.
“E, dito, kailangan, e! Like, isa nga lang yun sa pinaka-facets ng complicated relationship namin ng partner ko dito, e, ng characters naming dalawa dito.
“Kaya rin ako pumayag, kasi it’s a different take on that. Na parang hindi siya kung paano binenta sa akin na parang, ‘O eto, may sex scene!’
“Hindi. Parang, ‘Eto yung script, eto yung concept.’ Tapos dun ko lang napansin na parang ahh may sex scene pala. So, hindi siya dun naka-concentrate.”
Ang unang pelikula ni Mikoy ay ang Cinemalaya 2014 film na Hustisya, na pinagbidahan ni Nora Aunor, sa direksiyon ni Joel Lamangan.
Sa pagbabalik-Cinemalaya this year ni Mikoy via Tether ay siya ang bidang lalaki.
Ang Cinemalaya XIX: Iluminasyon ay nakatakda sa Agosto 4-13 sa PICC at ilang piling sinehan.
Ang siyam pang full-length films na kalahok sa competition ay Ang Duyan ng Magiting ni Dustin Celestino, Bulawan Nga Usa ni Kenneth de la Cruz, Gitling ni Jopy Arnaldo, Huling Palabas ni Ryan Espinosa Machado, Iti Mapukpukaw ni Carl Joseph E. Papa, Maria ni She Andes, Rookie nina Samantha Lee at Natts Jadaone, As If It’s True ni John Rogers, at When This Is All Over ni Kevin Mayuga.