Walang mapagsidlan ang sayang nararamdaman ni Miss Grand International 2016 first runner-up Nicole Cordoves na bahagi na ng kanilang pamilya ang kapwa beauty queen na si Bb. Pilipinas-International 2019 Patch Magtanong.
Ikinasal si Patch sa kapatid ni Nicole na si Josh Cordoves sa Shangri-La Fort sa BGC, Taguig City, noong July 7, 2023.
Ibig sabihin, mag-sister-in-law na ngayon sina Nicole at Patch.
Read: Patch Magtanong reflects on failed Miss International 2019 bid
Sa kanyang Instagram post nitong Martes, July 11, buong pusong binati at winelcome ni Nicole si Patch sa kanilang pamilya
Kalakip ng kanyang post ang ilang kuhang larawan sa kasal ng kanyang kapatid at sister-in-law.
Mababasa sa caption ni Nicole (published as is), "From my binibini sister to my sister in law [heart emoji] welcome to the family, @patchmag! will always be here for you and @joshcordoves."
Agad naman itong nireplayan ni Patch, kung saan pinasalamatan niya si Nicole na naging malaking bahagi ng kasal nila ni Josh.
Ayon kasi kay Patch, si Nicole ang nagsilbing host sa kanyang wedding reception.
Mensahe niya kay Nicole, "Thank you for everything (loudly crying face emoji) and for being our host/ DJ (w/ @lancepimentel)/ on the day coordinator (face with tears of joy emoji)."
Bukod kay Nicole ay pinasalamatan din ni Patch ang lahat ng naging bahagi ng kanyang kasal, partikular na ang kanilang pamilya at mga kaibigang nagpaabot ng pagbati.
Aniya, "Thank you for the well wishes everyone!! we decided to have a simple and intimate ceremony with just our families first!
"We’re excited to celebrate with the rest of our family and friends next year during our big wedding!!! guess where!"
September 2020 nang mag-propose si Josh kay Patch sa Amsterdam, Netherlands.
Read: Management of Catriona Gray, Nicole Cordoves addresses Binibining Pilipinas 2022 announcement issue