Nagiging viral ang video clip ng isang couple ukol sa grupo ng foreigners na dumudura sa isang tourist spot sa Chocolate Hills.
Binalewala rin umano ng grupong ito ang ilang protocols sa tanyag na pasyalan sa Bohol.
Mayroon nang higit 1.8 million views ang clip sa Instagram account na Tony & Trang, pagmamay-ari ng couple na parehong travel vloggers.
Noong June 30, 2023 ipinost ang video clip, na nakuhaan ang labindalawang (12) miyembro ng grupo na binubuo ng mga kabataang lalaki at babae.
Mahihinuhang sila ay nasa Sagbayan Peak, na may magandang view ng pamosong Chocolate Hills.
Pero mas agaw-pansin ang ilang ulit na eksaheradong pagdura ng ibang members na naglagay ng tubig sa bibig saka ibinuga ito sa hangin. Animo’y may contest sila, at palayuan nang mararating ng kanilang dura at ibinugang tubig.
Walong beses ang ginawang pagdura ng mga kabataan base sa video clip.
Ang caption ng couple sa nasaksihan: “You’ve come all this way to finally see the beautiful Chocolate Hills and this is the first thing you see.”
Bukod dito, tatlumpung minuto raw pinaghintay ng grupo ang iba pang naroon sa tuktok bago nagpasyang umalis.
Ayon pa sa caption ng video:
“They also ignored the ‘do not sit on the railings’ and ‘dont leave your trash behind’ signs.
“Fortunately, the one adult in the group told them to turn back and pick up their trash. Do better."
Base sa audio ng video, tinukoy ang grupo bilang Americans.
Read: Journalist may hirit sa bagong DOT slogan: “How about a comma? Love, the Philippines.”
COUPLE GIVES MORE DETAILS
Samantala, nagkapalitan ng mensahe via Instagram ang PEP.ph (Philippine Entertainment Portal) at ang couple vloggers, na nagbigay ng dagdag na detalye ukol sa insidente.
Nangyari ito noong June 23, 2023.
Sina Tony & Trang ay mula sa U.S., at layon nilang malibot ang Southeast Asia sa loob ng isang taon.
Nasa Instagram at TikTok ang mga piling travel experiences nila.
Tungkol sa pagdudura ng grupo, paglalapastangan daw ito sa lugar.
“We understand that this isn’t anything comparable to any other real ‘crimes,’ but we felt it was still very disrespectful and distasteful to all the other tourists that were present that day,” mensahe ng duo sa PEP.ph ngayong Miyerkules, July 12, 2023.
Sabi pa ng couple (published as is), “One of the kids in the video actually left a comment saying, 'you know what is funny? That is actually me doing that. We’re here to built houses and schools.'"
Read: Pagbiyahe ng mga turista papuntang Camotes Island, mas pinadali
Lumalabas na nasa Pilipinas ang teenagers for a socio-civic work.
Samantala, may isang nagtanggol sa mga nandura: “They are just a bunch of teenagers doing dumb teenage things.”
Sinabi pa ng tagapagtanggol na kilala niya ang ilan sa mga ito, at “they are the kindest people ever.”
Isa pang supporter ang nagsabi sa comments section na ilang linggo ang ginugol ng grupo para magtayo ng schools and clinics sa Pilipinas, at matulungan ang mga residenteng nangangailangan sa lugar.
Sabi niya, “I hope you can have empathy for these young teenagers."
Read: Pinay nilibot 82 provinces sa Pilipinas; PHP500K ang total expenses
Mensahe naman ng couple sa PEP.ph, “They’re saying, ‘It’s just a bunch of trees, guys. If this happened in America no one would care.’
“That’s the problem with the American mindset! They’re NOT in America, they are in the Philippines so I don’t understand why they cannot understand the issue here.”
Kung babasahin ang iba pang komento sa post, marami ang pumuna sa inasal ng mga teenagers,
Marami rin sa mga nag-comment ay mga content creators. kasama na rito si Tagalog Kurt, isang American social media influencer na matagal nanirahan sa Pilipinas at mahusay mag-Tagalog.
“This is mad embarrassing,” ani Kurt, na nagsabi ring sana ay may isa sa grupo na nakaisip pagbawalan ang mga teenagers.
Read: "Beach" sa Isabela na may fine sand, matatagpuan sa gitna ng palayan
