Mahalaga raw para kay Richard Gutierrez, 39, ang makitang masaya ang nakatatandang kapatid na si Ruffa Gutierrez, 49, sa piling ni Herbert Bautista, 55.
Ito ay kahit wala pang direktang kumpirmasyon mula kina Ruffa at Herbert kung ano ang tunay na estado ng kanilang relasyon.
Naipakilala na raw ni Ruffa si Herbert sa pamilya Gutierrez.
"Oo naman, sobrang bait ni Kuya Herbert sa amin," saad ni Richard.
"Kung saan sila masaya, boto ako sa kaligayahang hangad nila. Basta naka-smile ang ate ko, dun ako."
Nakapanayam si Richard sa presscon ng Iron Heart na ginanap sa Seda Hotel sa Quezon City kamakailan.
Masaya si Richard sa kanyang buhay-pamilya kasama ang misis na si Sarah Lahbati at dalawang anak na sina Zion, 10, at Kai, 5.
May plano ba sila ni Sarah na sundan na si Kai?
"We'll see, all in God's right timing," simpleng sagot ni Richard.
Ngayon ay suportado raw siya ng pamilya sa kanyang pagiging abala sa teleseryeng The Iron Heart, na nag-taping sa Cebu, Iloilo, at maging sa Europe.
Ani Richard, "Pinapanood nila lahat ng mga episodes namin and pag weekends, lumilipad sila kung nasaan ako."
Read: Jake Cuenca on blossoming romance with Chie Filomeno: "I'm happy, super."
richard gutierrez's ONGOING TELESERYE
November 2022 unang umere ang The Iron Heart at ongoing pa rin ito sa Kapamilya Channel, A2Z, at TV5.
"Siyempre we're very happy and very proud sa achievements ng show. We're looking forward sa new season.
"Marami pang mga bigating artista ang papasok. It's going to be better in terms of story line, acting, and, direction."
Lahad pa niya, "From Day 1 na plinano namin ang project na ito with the creatives, dinesign namin yung project na puwede siyang humaba, na puwedeng maraming puntahan ang istorya.
"Nagkaroon kami ng opportunity to extend for a new season with the support of ABS-CBN. Now we're here."
Read: Lea Salonga addresses dressing-room incident with Pinoy fans in Broadway
ON WORKING WITH JM DE GUZMAN
Isa sa mga bagong karakter na pumasok sa Iron Heart ay si JM de Guzman bilang kapatid ni Richard na si Orion.
"I'm very excited to work with JM, I think nakatrabaho ko siya long time ago sa GMA, he'a a great actor and I'm very excited."
Bilang isang action serye, hindi raw maiiwasan na may mga eksena na nagkakasakitan sila.
"Action itong ginagawa namin, no pain no gain. We're very thankful na wala namang major incident sa mga action scenes namin. Sana tuluy-tuloy na ganun ang mangyari."
Read: Bea Alonzo admits past rift with Alden Richards
ON ABS-CBN AND GMA-7'S COLLABS
Nagka-collaborate ang GMA-7 at ABS-CBN sa seryeng Unbreak My Heart, at ngayon ay napapanood na rin ang It's Showtime sa GTV.
Bukas ba siya sa posibilidad na baka isa sa mga araw na ito ay mapanood na rin ang Iron Heart sa GMA?
"Mas maraming channels ang magpalabas sa amin mas okay, mas maraming tao ang makakapanood.
"Yun naman talaga ang main objective namin, mas mapanood ng mga tao yung ginagawa namin. Ako, open ako kung sinumang channels diyan."
Dagdag ni Richard, "Malay mo, hindi natin alam ngayon kasi gaya nga ng sinabi ko, uso ang lipatan ng tahanan, so we will see.
"Pero right now, we're very happy and we're very open sa lahat ng mga networks na gustong mag-welcome sa Iron Heart.
"Ngayon na collaborative na tayong lahat, magtulungan tayo, iangat natin ang industriya. Mas maraming audience, mas maganda."
Watch: 'E.A.T.' goes head to head with 'Eat Bulaga!,' 'It's Showtime'; who delivered the best episode?