Sa paglipat ng GMA-7 gag show na Bubble Gang sa bago nitong timeslot tuwing Linggo, maraming viewers ang nagtaka kung bakit hindi na napapanood dito ang dating mainstay na si Sef Cadayona.
Ipinaliwanag ni Sef ang kanyang rason sa Fast Talk with Boy Abunda ngayong araw, July 18, 2023.
Ayon sa Kapuso comedian, akala niya ay oras na upang gumradweyt sa showbiz.
Aniya, “Hindi naman po ako nawala. Andito pa rin ako. Kung kailangan niyo ako, andito pa rin ako.
“But for me, it was I think, it was my time to graduate and look into a different side ng buhay ko. Going back months before, ayoko na mag-showbiz.”
Nilinaw ni Sef na ang hindi niya pagkakuha ng magagandang roles sa mga proyekto ang rason.
Saad niya, "Parang sa damdamin lang, parang hindi ko nakikitang nagsa-shine ulit ang talent ko.
“Sa akin po, iniisip ko, 'OK pa ba ako? OK pa ba ako dito? Nagagampanan ko pa ba ang role ko?’”
Pero matapos daw siyang kausapin ng GMA executives, napagdesisyunan niyang manatili sa showbiz
Dagdag pa ng StarStruck alumnus, "Nakita ko ang pagmamahal nila."
Kasama si Sef sa cast ng upcoming GMA drama na Love Before Sunrise, na pagbibidahan nina Dennis Trillo at Bea Alonzo.