Matuloy kaya si Herlene Budol bilang representative ng Pilipinas sa Miss Tourism pageant sa London sa November?
Ito ang tanong ng pageant fans sa gitna ng anunsiyo ng Hiyas Pilipinas organization tungkol sa pag-aari nitong franchise deals para sa ilang national pageants kabilang ang "Miss Tourism World Philippines, Miss Omninational Philippines, and Miss Summit International Philippines."
Si Herlene ay kinoronahang Miss Philippines Tourism 2023 sa katatapos na Miss Grand Philippines 2023 coronation night noong July 13, 2023.
Read: Herlene Budol's reaction after winning Miss Philippines Tourism 2023 crown
Read: Herlene Budol makes it to Top 15 of Miss Grand Philippines 2023; bags five special awards
Sa panayam sa kanyang manager na si Wilbert Tolentino sa sidelines ng pageant, nabanggit nitong paghahandaan na ni Herlene ang Miss Tourism World pageant na magaganap sa London, England, sa Nobyembre.
Pero tila may conflict sa titulo ni Herlene.
Sa official statement ng Hiyas Pilipinas kahapon, July 18, nakasaad na paso na raw kung sino man ang may hawak ng franchise agreement sa Miss Tourism World Philippines bago ang petsang February 18, 2023.
Ang Hiyas Pilipinas na raw ang may hawak nito sa ngayon.
Sabi rito: "We would like to inform the parties concerned that all contracts, agreements, covenants, and memorandums made prior to February 18, 2023, including franchise agreements, are considered null and void.
"This includes any franchises that have utilized the tradenames, logos, and music of Hiyas Ng Pilipinas and its affiiliates including but not limited to Miss Tourism World Philippines, Miss Omninational Philippines, and Miss Summit International Philippines.
"Effective immediately, all previous franchise holders are required to cease the use of the tradenames, logos, music, and any intellectual property associated with Hiyas ng Pilipinas in their operations.
"We kindly request your full and prompt cooperation in this matter.
"Otherwise, we will be constrained to file the appropriate legal actions to enforce our rights and seek remedies for incurred damages."
Sa huli ay nakasaad din na maaaring makipag-ugnayan sa tanggapan ng Hiyas Pilipinas para sa posibleng renewal ng franchise agreement para sa hawak nitong pageants.
Sa hiwalay na ulat ng Philippine Daily Inquirer kahapon, sinabi ng Hiyas Ng Pilipinas chairman na si Mike Sordilla na siya raw ang "legal franchise holder" sa local partner ng Miss Tourism World.
Gaganapin daw sa November 11 ang coronation night ng Hiyas Pilipinas pageant, at kabilang ang Miss Tourism World Philippines sa mga titulong posibleng makuha ng kokoronahang mga kandidata.
Nakatakda pa raw na dumalo ang may-ari ng Miss Tourism World na si David Singh sa Hiyas Pilipinas coronation night.
Nabanggit din ni Sordilla na wala siyang narinig na official statement mula sa Miss Grand Philippines na sa Miss World Tourism ipapadala si Herlene, at tila sa ibang parties lang naman daw ito nababanggit on record.
Noong coronation night ng Miss Grand Philippines 2023, wala ring nabanggit kung saang partikular na international pageant kakandidata si Herlene.
Bukas ang PEP.ph (Philippine Entertainment Portal) sa anumang pahayag ng mga personalidad na sangkot sa isyung ito.