Hinding-hindi raw mag-a-apologize ang netizen na si Christopher Carpila sa pag-upload niya ng video ng encounter nila sa Pinay Broadway star na si Lea Salonga sa backstage ng Broadway musical na Here Lies Love, sa New York.
Sa video interview ni Christopher sa programang Julius and Tintin nina Julius Babao at Christine Bersola sa One PH kahapon, July 18 2023, nanindigan itong walang mali at wala siyang masamang intensiyon sa pag-upload ng video.
Pahayag niya, “Hindi ko alam kong kailangan kong gawin yun or what, pero pasensiya na, pero siguro hindi.
“Alam ko wala akong ginawang masama. Alam ko yung pagka-post ko, hindi ko intensiyon na manira or ipakita sa buong mundo na yun siya.
"Katulad nung sinabi ko, tao lang, tao lang na hindi nakapag-isip nung kinlick. Wala naman po akong sinabing masama.”
Watch: Sino ang TAMA--ang IDOL o ang FAN? | PEP OUTTAKES Ep. 1
Inilahad din ni Christopher kung paano sila napunta sa dressing room ni Lea sa Broadway Theatre, kung saan itinatanghal ang Here Lies Love.
Naka-on daw ang mga camera nila dahil gusto nilang ma-capture ang “sandaling pagkakataon na makita namin si Miss Lea. Dahil yung mga kasama ko po doon ay mga Leang-Lea fans po talaga sila.”
Apat daw sila sa grupo.
Hindi raw niya akalaing ganun ang magiging reaction ni Lea noong nakaharap na nila ito.
Aniya, “Nung nagsalita na po siya, alam mo yung momentum namin na talagang nandiyan na, na talagang… alam mo yung parang kandila po na biglang nalusaw.
"Hindi namin ini-expect na parang that little time sana ay mapagbigyan, tutal andun naman na po kami.
"But of course, nirerespeto po natin si Miss Lea. Baka that time ay pagod po siya or whatever.”
Read: Neri Naig, Bituin Escalante recall fangirling moments with Lea Salonga amid Broadway star's issue
Sa huli, nakapagpa-picture din ang grupo ni Christopher kay Lea.
Sa caption ng viral post ni Christopher, sinabi niyang hindi naman talaga siya super fan ni Lea kundi ang mga kasamahan lamang niya.
Si Sharon Cuneta daw talaga ang idol niya.
Bahagi ng kanyang post, “Nalungkot lang ako para sa mga kasama ko na mga FANS NIYA TALAGA.
Sabi ko nga sa kanila, next time na may CONCERT SI ATE SHAWIE isasama ko kayo.
At makikita niyo kayo pa ang tatawagin nun para YAKAPIN, HALIKAN AT SIYA PA HAHAWAK NG PHONE NIYO PARA MAKAPAGPAPICTURE.”
LEA: "I HAVE BOUNDARIES"
Sa kanya namang sunud-sunod na tweet noong July 18, iginiit ni Lea na bilang isang artist ay may boundaries siya na hindi dapat i-cross.
"Just a reminder… I have boundaries. Do not cross them. Thank you."
Dagdag pa niya, "Okay, real life demonstration: none of the actors in HLL have been to my dressing room. Not Arielle, Jose, Conrad, Melody, or anyone else. These are already friends and co-workers, and yet they respect my boundaries! So who is anyone else to want to invade my space? Make it make sense!"
May pahayag din si Lea tungkol sa pagbanggit ng isa sa mga kasamahan ni Christopher sa pangalan ni G Tongi.
Ani Lea, "Sooooooo here’s the kicker… the person whose name they were naming as their producer friend has no idea who they are. I asked her, and she’s seen the video (all our producers have, as well as company management, house management and security). She had no idea who they were. I was giving the benefit of the doubt until the moment I heard back from her."
(Sa panayam ni Chtistopher kina Julius at Tintin, sinabi niyang ang nais talagang sabihin ng kanyang kasama ay kaibigan sila ng co-producer ng show na kaibigan ng American-based actress na si G.)
Sa huli ay nagpasalamat si Lea sa mga nagpaabot ng mensahe tungkol sa isyung kiansangkutan niya.
Aniya, "Just know that this has reached the highest echelons of our producing team and has already been addressed with all relevant departments. There are now more stringent security regulations in place, and I for one will no longer be entertaining near those innermost spaces to ensure that security will have eyes on me at all times.
"It’s unfortunate that this had to happen at all. There has been so much support from online communities everywhere and for that I’m thankful!
"Folks need to be reminded that although we are public figures we need our private spaces, and will be guarding those sacred places with fervor.
Read: Lea Salonga addresses dressing-room incident with Pinoy fans in Broadway