Mali ang impormasyong Miss World Tourism 2023 ang international pageant na sasalihan ni Herlene Budol kaugnay ng nasungkit nitong titulo sa Miss Grand Philippines 2023.
Read: Herlene Budol's win as Miss Philippines Tourism 2023 marred by franchise issue?
Kinoronahan si Herlene bilang Miss Philippines Tourism 2023 sa Miss Grand Philippines 2023 coronation night, na ginanap sa MOA Arena sa Pasay City noong July 13, 2023.
Ang Miss Grand Philippines, na hawak ng ALV Pageant Circle, ay pinamumunuan ng talent manager na si Arnold Vegafria.
Naglabas ng opisyal na pahayag ang ALV Pageant Circle ngayong Miyerkules ng hapon, July 19, 2023.
Binigyang-linaw ng ALV Pageant Circle na walang ugnayan ang Miss Grand Philippines sa Miss Tourism World international pageant na gaganapin sa London sa Nobyembre.
"ALV Pageant Circle and Miss Grand Philippines would like to clarify that we have not yet issued any official confirmation regarding Miss Grand Philippines Tourism 2023 Herlene Budol's participation in the Miss Tourism World pageant.
"While we acknowledge the achievements of our reigning queen Justine Felizarta as the first runner-up in Miss Tourism World 2022, we would like to clarify that we have since ceased from using the Miss Tourism World Philippines title.
"Our Miss Philippines Tourism title is a generic title with no contractual obligation to any international pageant," sabi sa statement.
Walang binanggit kung ano ang final international pageant na sasalihan ni Herlene.
Sabi lang sa pahayag: "Henceforth, our choice of global pageant may vary year after year, depending on the ideals and visions of the organization.
"It has never been our intention to instigate any conflict of interest with our fellow pageant organizers whom we regard with mutual respect.
"We are excited to announce that Miss Philippines Tourism 2023 will be competing in a different international tourism pageant, which will we announce very soon."
Read: Herlene Budol's reaction after winning Miss Philippines Tourism 2023 crown
Ang nakakuha ng franchise deal para sa Philippine franchisee ng Miss World Tourism 2023 ay ang Hiyas Pilipinas, na pinamumunuan ni Mike Sordilla.
Ibig sabihin, ang mananalong Miss World Tourism Philippines sa Hiyas Pilipinas pageant sa November ang magiging kinatawan sa Miss Tourism World 2023.
Lumikha ng pagkalito sa sasalihang international pageant ni Herlene matapos banggitin ng manager niyang si Wilbert Tolentino na paghahandaan ng actress-beauty queen ang Miss World Tourism 2023 na gaganapin sa London.
Sinabi iyon ni Wilbert sa sidelines ng Miss Grand Philippines 2023 nang kapanayamin sila ni Herlene ng press matapos ang pageant noong July 13.
Ang reigning Miss World Tourism 2022 first runner-up na si Justine Felizarta ang nagkorona kay Herlene sa Miss Grand Philippines 2023, at posibleng nakadagdag ito sa pagkalito ng ibang pageant fans.
Noon kasing 2022 ay hawak ng Miss Grand Philippines ang franchise deal para sa Philippine franchisee ng Miss World Tourism.
Read: Herlene Budol makes it to Top 15 of Miss Grand Philippines 2023; bags five special awards