May bago na nga bang tinatangi ang Kapamilya actor na si Joshua Garcia?
Ito ang tanong ng netizens na nagtagni-tagni ng anila'y similar Instagram posts ni Joshua sa French-Filipino athlete na si Emilienne Vigier.
Noong July 24, 2023, ibinahagi ni Joshua ang litrato niyang nagluluto sa isang kitchen kasama ng iba-ibang litrato ng main dishes tulad ng chicken and pork katsu, honey garlic kitchen, at kinamatisang pampano.
Narito ang litrato niya ng food preparation mula sa IG ni Joshua:
At ito ang finished product mula uli sa IG ni Joshua:
Agaw-pansin ang mga ito dahil nag-post din si Emilienne via IG story ng dalawang litrato na pareho ng kay Joshua.
Una na rito ang litrato ng chicken and pork katsu na nilalagyan ng harina na pang-breading.
Sumunod ang litrato ng nalutong chicken and pork katsu.
Caption ni Emilienne, "Merciiiiiiiiiii" at kiss emoji, na waring pa-thank you sa nagluto nito.
Hindi nakaligtas sa mapanuring netizens ang anila'y low-key na rebelasyon nina Joshua at Emilienne.
Narito ang ibang comments ng netizens:
Read: Bea Alonzo on Dominic Roque's proposal: "It was so raw."
EMILIENNE'S LATEST IG STORY
Dagdag sa espekulasyon ng netizens ang latest IG Story ni Emilienne kunsaan may kasama siyang lalaki na nakayakap sa kanya sa loob ng elevator.
Kinunan ni Emilienne ng selfie ang sweet moment nila ng di nakilalang lalaki, pero di matukoy kung si Joshua ang kasama niya dahil tinakpan niya ang mukha nito.
Pinost ito ni Emilienne kagabi, July 25.
Komento naman ng netizens na nag-repost nito sa social media, tila malapit na ang jowa reveal ng inuugnay na sina Joshua at Emilienne.
WHO IS EMILIENNE VIGIER?
Si Emilienne Luciana Gabrielle Vigier, 25, ay isang French-Filipino golfer. Ang kanyang ama ay French, at ang kanyang ina ay isang Pinay.
Base sa kanyang YouTube video noong January 2021, siya ay base sa Pilipinas, pero French curriculum ang pinag-aralan niya noong siya ay nag-aaral sa The Lycée Français de Manille.
Isang taon daw siyang nagkolehiyo sa Enderun College, pero lumipat sa College of St. Benilde para mag-aral ng kursong Consular Diplomatic Affairs.
Siya ay kasalukuyang bahagi ng women's golf team ng Taylormade, isang American sports equipment manufacturing company na nakabase sa California.
May online bake shop business rin si Emilienne, ang Luciana's Maison Bakery.